فۋتبولدان قر چەمپيوناتىنىڭ ماتچتارى ستريمينگتىك پلاتفورمادا كورسەتىلەدى

«قايرات» فۋتبول كلۋبى تمد-داعى ەڭ تانىمال ستريمينگتىك پلاتفورمالاردىڭ ءبىرى – كينوپويسك بەينەسەرۆيسىمەن ىنتىماقتاستىق تۋرالى كەلىسىمگە قول قويدى. ەكى تاراپ تەك ماتچتاردى ترانسلياتسيالاۋمەن شەكتەلىپ قالمايدى, سونىمەن قاتار بىرلەسكەن ويىن-ساۋىق كونتەنتىن جاساۋدى جوسپارلاپ وتىر. الداعى 3 جىلدا كوپتەگەن قىزىقتى دۇنيەلەر كوپشىلىك نازارىنا ۇسىنىلادى, ىنتىماقتاستىق وسى ماقساتقا ارنالعان.

بۇدان بىلاي «قايرات» جانكۇيەرلەرى ءۇشىن Kinopoisk سايتىنىڭ «سپورت» بولىمىندە كلۋبتىڭ جەكە ۆيتريناسى پايدا بولادى, وندا ماتچ ترانسلياتسيالارىنىڭ, شولۋلاردىڭ جانە قوسىمشا مازمۇنداردىڭ جازبالارى قولجەتىمدى بولادى. وسى اپتادا كينوپويسك پەن «قايرات» فك كلۋبتىڭ باقىلاۋ كەڭەسىنىڭ توراعاسى قايرات بورانباەۆپەن ەكسكليۋزيۆتى سۇحبات جاسايدى. ول كلۋبتىڭ قىزمەتى مەن دامۋىنا, سونداي-اق داستان ساتباەۆتىڭ جاقىندا اعىلشىندىق «چەلسي» كلۋبىنا اۋىسۋىنا قاتىستى وزەكتى تاقىرىپتاردى قامتيدى.

«ياندەكس پليۋس ابونەنتتەرى اراسىنداعى قازاقستاندىق كلۋبتىڭ بارلىق جانكۇيەرلەرى ەندى Kinopoisk سايتىندا سۇيىكتى كومانداسىنىڭ جەتىستىكتەرىن باقىلاپ وتىرۋ مۇمكىندىگىنە يە بولعانىنا قۋانىشتىمىز. ءبىز قازاقستاننىڭ قازىرگى چەمپيونىمەن بىرگە ويىن-ساۋىق كونتەنتىن جاسايمىز. ونلاين ترانسلياتسيالار - قارىم-قاتىناستىڭ جاڭا دەڭگەيى. كينوپويسك پلاتفورماسىنىڭ ارقاسىندا «قايرات» ماتچتارىن كورۋگە بولادى», دەپ اتاپ ءوتتى ياندەكس ءپليۋستىڭ ورتالىق ازيا مەن كاۆكازداعى باس ديرەكتورى ۆلاديمير گوربۋنوۆ. «قايرات» - كينو جانە ويىن-ساۋىق سالاسىنداعى جەتەكشى تسيفرلىق پلاتفورما كينوپويسك كومپانياسىمەن ىنتىماقتاستىقتى باستاعان العاشقى قازاقستاندىق فۋتبول كلۋبى. ەندى جانكۇيەرلەرىمىزگە كوماندانىڭ ماتچتارىن باقىلاۋ وڭايىراق بولادى: ياندەكس ەكوجۇيەسىنىڭ ارقاسىندا ترانسلياتسيالار مەن شولۋلار قولجەتىمدى بولادى. «كينوپويسك كومپانياسىمەن بىرلەسىپ, جانكۇيەرلەر ءۇشىن «قايرات» پەن ونىڭ تاريحىنا جاڭاشا كوزقاراسپەن قاراۋعا مۇمكىندىك بەرەتىن كونتەنتتىڭ جاڭا فورماتتارىن دايىندايمىز», دەپ ءتۇسىندىردى «قايرات» فك باس ديرەكتورى اسقار ەسىموۆ. ايتا كەتەيىك, كينوپويسك – بۇل قازىرگى ۋاقىتتا 1,3 ميلليوننان استام قازاقستاندىق پايدالاناتىن «ياندەكس پليۋس» بىرىككەن جازىلىمىنا كىرەتىن بەينەسەرۆيس. كينوپويسك تەك قازاقستاندا تۇسىرىلگەن ەڭ ءساتتى فيلمدەر مەن تانىمال سەريالداردى كورسەتەدى: «پاتسانسكيە يستوري», «بيزنەس پو-كازاحسكي», «حوتيا بى ۆ كينو», «برات يلي براك», «تاپتىم-اۋ سەنi» فرانشيزالارى, «موشەننيكي» تەلەحيكاياسى جانە ت.ب. بەينەسەرۆيستىڭ مالىمەتىنشە, تەك 2024 جىلدىڭ ءبىرىنشى جارتىجىلدىعىندا جازىلۋشىلار قازاقستاندا تۇسىرىلگەن 10 ميلليون ساعاتتان استام كونتەنتتى تاماشالاعان.