تامارا دۇيسەنوۆا پرەمەر-ءمينيستردىڭ ورىنباسارى قىزمەتىنەن بوساتىلىپ, پرەزيدەنتتىڭ كومەكشىسى بولىپ تاعايىندالدى. ءتيىستى جارلىققا مەملەكەت باسشىسى بۇگىن قول قويدى, دەپ حابارلايدى Egemen.kz.
تامارا دۇيسەنوۆا 1965 جىلى 11 قاڭتاردا دۇنيەگە كەلگەن. 1987 جىلى تاشكەنت حالىق شارۋاشىلىعى ينستيتۋتىن «ينجەنەر-ەكونوميست» ماماندىعى بويىنشا بىتىرگەن, ەكونوميكا عىلىمدارىنىڭ كانديداتى.
ەڭبەك جولىن 1988 جىلى وڭتۇستىك قازاقستان وبلىسى سارىاعاش اۋدانىنداعى ورتا مەكتەپتە ينفورماتيكا ءپانىنىڭ مۇعالىمى بولىپ باستاعان.
1988-1992 جج. - وزبەكستان سسر مەملەكەتتىك جوسپارلاۋ كوميتەتى جانىنداعى ەكونوميكا جانە نورماتيۆتەر عىلىمي-زەرتتەۋ ينستيتۋتىندا ەكونوميست.
1992-1993 جج. - سارىاعاش اۋداندىق اكىمشىلىگىندە اعا ەكونوميست.
1993-1994 جج. - «پەريزات-حولدينگ» كومپانيا ءبولىمىنىڭ جەتەكشىسى.
1994-1997 جج. – سارىاعاش اۋدانى اكىمىنىڭ كەڭەسشىسى, ورىنباسارى, ءبىرىنشى ورىنباسارى.
1997-1999 جج. – شىمكەنت قالاسى اكىمىنىڭ ءبىرىنشى ورىنباسارى.
1999-2002 جج. – وڭتۇستىك قازاقستان وبلىسى اكىمىنىڭ ورىنباسارى.
2002-2006 جج. – قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى.
2006-2008 جج. - وڭتۇستىك قازاقستان وبلىسى اكىمىنىڭ ورىنباسارى.
2008-2013 جج. - قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ جاۋاپتى حاتشىسى.
2013 ج. - قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى, قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترى.
2014-2017 جج. – قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترى.
2017-2018 جج. - قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترى.
2018-2019 جج. - «Nur Otan» پارتياسىنىڭ حاتشىسى.
2019 جىلدىڭ 15 شىلدەسىنەن باستاپ - «ەڭبەك رەسۋرستارىن دامىتۋ ورتالىعى» اق جەتەكشىسى.
2020 جىلدىڭ 5 مامىرىنان باستاپ - قازاقستان رەسپۋبليكاسى پرەزيدەنتىنىڭ كومەكشىسى.
2022 جىلعى 11 ساۋىردە قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى بولىپ تاعايىندالدى.
2023 جىلعى 4 ساۋىردە وسى لاۋازىمعا قايتا تاعايىندالدى.
2023 جىلعى 8 ماۋسىمدا قر پرەمەر-ءمينيسترىنىڭ ورىنباسارى - ەڭبەك جانە حالىقتى الەۋمەتتىك قورعاۋ ءمينيسترى بولىپ تاعايىندالدى.
2023 جىلدىڭ 2 قىركۇيەگىندە پرەزيدەنت قاسىم-جومارت توقاەۆ تامارا دۇيسەنوۆانى پرەمەر-ءمينيستردىڭ ورىنباسارى ەتىپ تاعايىندادى.