كيىم ۇتىكتەۋ – كۇندەلىكتى تۇرمىستىڭ ەڭ قاراپايىم ارەكەتتەرىنىڭ ءبىرى. بىراق ەلەستەتىپ كورىڭىزشى, ءسىز پاراشيۋتپەن جوعارىدان قۇلديلاپ كەلەسىز, ال قولىڭىزدا – ۇتىك پەن ۇتىكتەۋ تاقتاسى. ءيا, قورقىنىشتى ءارى قيىن ارەكەت. ال ەكسترەمالدى سپورتشىلارعا بۇل – جاي عانا قىزىق.
وسى ءبىر ەرەكشە ءۇردىستى العاش بولىپ امەريكالىق توني حايەم باستاعان. ول ءوزىنىڭ اعاسىنان شابىت الىپ, كيىمىن ەرەكشە جانە قولايسىز جەرلەردە ۇتىكتەي باستاپتى. مىسالى, ادامعا لىق تولى كۇتۋ زالىندا نەمەسە تىك جارتاس باسىندا دەگەن سەكىلدى. ۋاقىت وتە كەلە بۇل يدەيانى باسقا ەكسترەمالدار دا قولداپ, قازىر بۇكىل الەمگە تارالعان ەرەكشە سپورت تۇرىنە اينالدى.