قاراعاندى-استانا تاس جولىندا بايمىرزا مەن وشاعاندى اۋىلدارىنىڭ ارالىعىندا قارلى بوران سالدارىنان 40 كولىك جولدا قالدى, دەپ حابارلايدى Egemen.kz.
اۋا رايىنىڭ بۇزىلۋىنا بايلانىستى كەلەسى رەسپۋبليكالىق ماڭىزى بار اۆتوجولداردا كولىكتەردىڭ بارلىق ءتۇرىنىڭ قوزعالىسىنا شەكتەۋ قويىلعان:
قاراعاندى وبلىسىندا «قىزىلوردا - جەزقازعان - قاراعاندى - شىدەرتى» اۆتوجولىنىڭ 970-1135 شاقىرىم ارالىعى (قاراعاندى قالاسىنان پاۆلودار وبلىسىنىڭ شەكاراسىنا دەيىن). پاۆلودار وبلىسىندا «قىزىلوردا - جەزقازعان - قاراعاندى - شىدەرتى» اۆتوجولىنىڭ 1135-1206 شاقىرىم ارالىعى (قاراعاندى وبلىسىنىڭ شەكاراسىنان شىدەرتى اۋىلىنا دەيىن). اتالعان جولداردى 2025 جىلعى 14 اقپان ساعات 08:00-دە اشۋ جوسپارلانعان.