ءبىرىنشى بول نەمەسە وزگەشە بول! ماركەتينگ سالاسىنىڭ مىزعىمايتىن قاعيداسى – وسى. ءسوزىمىز دالەلدى بولۋ ءۇشىن سپورت الەمىندەگى كرەاتيۆتى جارنامادان مىسال كەلتىرەيىك.
2000 جىلى اتاقتى بوكسشى مايك تايسون مەن بريتاندىق بىلعارى قولعاپ شەبەرى دجۋليۋس فرەنسيس اراسىنداعى جەكپە-جەك ءوتتى. بۇل كەزدەسۋدە تايسوننىڭ جەڭىسكە جەتەتىنىنە كوپشىلىك ەش كۇماندانبادى. وسى ءساتتى اعىلشىننىڭ «The Mirror» گازەتى ۇتىمدى پايدالانباق بولدى. قالاي دەيسىز عوي؟ ولار فرەنسيستىڭ بوكس اياقكيىمىنىڭ تابانىنا ءوز لوگوتيپىن جابىستىرىپ, «جاناشىرلىق» تانىتتى. سونىمەن كوپتەن كۇتكەن بوكس باسەكەسى باستالعاندا-اق, تايسون قارسىلاسىنىڭ اياعىن كوكتەن كەلتىرىپ, بەس رەت نوكداۋنعا جىبەردى. وسىلايشا, فرەنسيستىڭ تابانى بىرنەشە رەت كامەرالارعا انىق كورىنىپ, «The Mirror» گازەتىنىڭ جارناماسى ميلليونداعان كورەرمەننىڭ نازارىنا ىلىكتى. مىنەكەي, بۇل – مينيمالدى شىعىنمەن ماكسيمالدى اسەرگە قول جەتكىزگەن ۇتقىر جارنامانىڭ ۇلگىسى.