«قازگيدرومەت» سينوپتيكتەرى 13, 14 جانە 15 اقپانعا ارنالعان اۋا رايى بولجامىن جاريالادى. بولجامعا سايكەس, الداعى كۇندەرى قازاقستاننىڭ باسىم بولىگىندە تۇراقسىز اۋا رايى ساقتالادى, دەپ حابارلايدى Egemen.kz.
سولتۇستىك ايماقتار سولتۇستىك تسيكلوننىڭ ىقپالىندا قالسا, وڭتۇستىك وڭىرلەرگە وڭتۇستىك تسيكلونى اسەر ەتەدى. وسىعان بايلانىستى قار جاۋىپ, بوران سوعۋى مۇمكىن. 14 اقپان قىزىلوردا وبلىسىندا, 14-15 اقپان تۇركىستان وبلىسىندا, 15 اقپان جامبىل, الماتى جانە جەتىسۋ وبلىستارىندا قالىڭ قار جاۋادى دەپ كۇتىلەدى.
كۇندىز ەلىمىزدىڭ وڭتۇستىگى مەن وڭتۇستىك-شىعىسىندا جاڭبىر ارالاس قار جاۋى ىقتيمال, بۇل كوكتايعاققا اكەلەدى دەپ بولجانعان.
سونىمەن قاتار, رەسپۋبليكا بويىنشا جەل كۇشەيىپ, تۇمان ءتۇسۋى بولجانىپ وتىر. تەمپەراتۋرالىق فون تۇراقتى بولىپ قالادى, كۇرت وزگەرىستەر كۇتىلمەيدى.