تالدىقورعان قالالىق سوتى №71 مەكەمەسىندە جازاسىن وتەپ جاتقان ازاماتقا تەرروريزم اكتىسى تۋرالى جالعان حابارلاما بەرگەنى ءۇشىن ۇكىم شىعاردى, دەپ حابارلايدى Egemen.kz.
«بۇعان دەيىن اسا اۋىر قىلمىسى ءۇشىن 25 جىلعا باس بوستاندىعىنان ايىرىلعان «ج» 2024 جىلدىڭ قاراشا ايىندا تۇزەۋ مەكەمەسىندە بولا وتىرىپ, جاڭا قىلمىس جاساعان. ول, 112, 103 جانە 102 شۇعىل قىزمەتتەرىنە قوڭىراۋ شالىپ, №25 ورتا مەكتەپتە جانە اۆتوۆوكزالدا جارىلعىش زاتتاردىڭ قويىلعانى تۋرالى حابارلاما جاساپ, اۆتوۆوكزالعا جەدەل جاردەم بريگادالارىن جىبەرۋدى تالاپ ەتكەن», دەلىنگەن جەتىسۋ وبلىسى پروكۋراتۋراسىنىڭ حابارلاماسىندا.
وبەكتىلەردى ەۆاكۋاتسيالاۋ جانە تەكسەرۋ بارىسىندا جارىلعىش زاتتار تابىلماعان.
سوت ازاماتتى قر قك-ءنىڭ 273-بابى (تەرروريزم اكتىسى تۋرالى كورىنەۋ جالعان حابارلاۋ) بويىنشا كىنالى دەپ تانىپ, 2 جىل 6 ايعا باس بوستاندىعىنان ايىرۋ جازاسىن تاعايىنداعان.
«الدىڭعى ۇكىم بويىنشا وتەلمەگەن جازانىڭ ءىشىنارا قوسىلۋىن ەسكەرە وتىرىپ, سوڭعى جازا 25 جىلعا باس بوستاندىعىنان ايىرۋ بولىپ بەلگىلەندى», دەلىنگەن حابارلامادا.