وتكەن جىلى ەلىمىزدە ۇيالى بايلانىس وپەراتورلارىنا تىركەلىپ, بانك كارتالارى مەن شوتتارىن اشقان 435 408 شەتەل ازاماتىنا جەكە سايكەستەندىرۋ ءنومىرى (جسن) بەرىلدى, دەپ حابارلايدى Egemen.kz.
ايتا كەتەيىك, 2024 ەلىمىزگە 15 294 699 شەتەل ازاماتى كەلگەن. ولاردىڭ 41 851-ءى ەلدە تۇراقتى قونىستانىپ قالعان.
«وسى كەزەڭدە ەلدەن 15 252 848 شەتەل ازاماتى كەتكەن. ونىڭ ىشىندە وزبەكستانعا 5 820 299, رەسەيگە 3 301 001, تاجىكستانعا 960 926, قىرعىزستانعا 3 329 523 ادام ورالعان. 2024 جىلى ەلىمىزگە كەلگەن 435 408 شەتەل ازاماتتارىنا جسن بەرىلدى. بارلىق شەتەلدىك ازاماتتاردىڭ قازاقستان اۋماعىندا بولۋىنىڭ جالپى مەرزىمى 30 كۇندى قۇرايدى», دەلىنگەن حابارلامادا.
ىشكى ىستەر مينيسترلىگىنىڭ مالىمەتى بويىنشا, 2025 جىلدىڭ باسىنان قاڭتار ايىنىڭ سوڭىنا دەيىن ەلگە 925 152 شەتەل ازاماتى كەلگەن. ولاردىڭ 177 892-ءى رەسەيدەن, 367 228-ءى وزبەكستاننان, 46 037-ءى تاجىكستاننان جانە 222 712-ءى قىرعىزستاننان. سونداي-اق بيىل 27 186 شەتەلدىك جەكە سايكەستەندىرۋ ءنومىرىن العان.
ەسكە سالا كەتەيىك, 2025 جىلدىڭ 1 قاڭتارىنان باستاپ قازاقستان شەتەل ازاماتتارىنا جسن بەرۋدى ۋاقىتشا توقتاتقان ەدى.