«قازاۆتوجول» كومپانياسى اۋا رايىنىڭ قولايسىزدىعىنا بايلانىستى اتالعان وبلىستاعى جول ۋچاسكەسىندە كولىك قوزعالىسىنا شەكتەۋ قويىلعانىن حابارلادى, دەپ جازادى Egemen.kz.
2025 جىلعى 3 اقپان ساعات 16:00-دە اۋا رايىنىڭ بۇزىلۋىنا بايلانىستى «الماتى-تاشكەنت-تەرمەز» اۆتوجولىنىڭ (ەسكى قورداي اسۋىنىڭ اينالما جولى) 159-214 شاقىرىم ارالىعىنداعى ۋچاسكەسىندە (الماتى وبلىسىنىڭ شەكاراسىنان قورداي اۋىلىنا دەيىن) كولىكتىڭ بارلىق ءتۇرى ءۇشىن قوزعالىس شەكتەلەدى. جابىلعان ۋچاسكەلەردى 2025 جىلعى 4 اقپان ساعات 09:00-دە اشۋ جوسپارلانعان.