عالام عاجاپتارى: ۇشاقتا تۋعان نارەستە

ءساتىن سالعاندا جولاۋشىلار اراسىندا اكۋشەر-دارىگەر مەن حيرۋرگ بولعان ەكەن. ولار دەر كەزىندە كومەك كورسەتىپ, ءسابيدى امان-ەسەن بوساندىرىپ العان. وسىعان بايلانىستى ەكيپاج يسلانديانىڭ كەفلاۆيك قالاسىنداعى رەزەرۆتىك اەرودرومعا شۇعىل قونۋ تۋرالى شەشىم قابىلداپتى. ۇشاق ءساتتى قونعاننان كەيىن, اناسى مەن ءسابي جەرگىلىكتى ەمحاناعا جەتكىزىلگەن.

روبوت بيشىلەر

قۇلتەمىردىڭ قۇدىرەتى تەك وندىرىستە عانا ەمەس, مادەني جيىنداردا دا كورىنە باستادى.

قىتايدىڭ «CCTV» ارناسى ۇيىم­داستىرعان دۋماندى كەشتە روبوتتار مىڭ بۇرالعان بيىمەن جينالعان جۇرتشىلىقتى تاڭ-تاماشا قالدىردى. «يۋشۋ تەحنولوگيا» كومپانياسى قۇراستىرعان روبوتتىڭ بيىكتىگى 180 سانتيمەتر بولسا, سالماعى شامامەن – 70 كيلوگرامم. مۇنداي تەحنولوگيا بولاشاقتا «تەمىر ادامدار» ونەردىڭ ءتۇرلى سالاسىندا قولدانىلۋى مۇمكىن ەكەنىن دالەلدەي تۇسپەك.

جي جاساعان مۋلتفيلم

«AiMation» اتتى بريتاندىق ستۋديا انيماتسيا الەمىندە جاڭا بەلەستى باعىندىردى.

جاساندى زەردە جاساعان تولىق­مەترى ءمۋلتفيلمنىڭ اتاۋى – «روبوتتار قايدا وسەدى؟». فيلم ۇزاقتىعى – 87 مينۋت, ونى جاساۋعا 9 ادامنان تۇرا­تىن كوماندا اتسالىسقان. بۇل – ادەت­تەگى انيماتسيالىق جوبالارمەن سالىس­تىرعاندا ايتارلىقتاي از قۇرام. ايتا كەتەيىك, مۋلتفيلم قازىر «Youtube» پلاتفورماسىندا قولجەتىمدى.