اۋىل كىتاپحاناسىنداعى مەرەكە

ماسەلەن, ء«بىر ەل – ءبىر كىتاپ» اتتى كورمەنىڭ اشىلۋ راسىمىندە بيىل پروزا جانر­ى بويىنشا كوپشىلىك داۋىسپەن كورنەكتى جازۋشى تاكەن الىم­قۇلوۆتىڭ شىعارمالارىن وقۋ ۇسىنىلعانى, پوەزيا جانرى بويىنشا قازاق­تىڭ ءبىرتۋار اقىنى جۇمە­كەن ناجىمەدەنوۆتىڭ شى­عار­مالارى تاڭدالعانى تۋرا­لى ايتىلدى. كورمەگە اتال­عان قالامگەرلەردىڭ شىعار­ما­شىلىعى مەن ءومىر جولى تۋرالى دەرەكتەر, كوپ­تەگەن فوتو­قۇجاتتار قويىلعان.

ءىس-شارا اياسىندا ۇيىم­داستىرىلعان «شەرلى جىلدار شەجىرەسى» اتتى كورمەدەن ايگىلى «قازاق» گازەتىنىڭ 1913–1918 جىلداردى تولىق قامتيتىن 7 تومىن, «ايقاپ» جۋرنالىنىڭ قوس جيناعىن, 1917–1919 جىلدارى سەمەيدە شىعىپ تۇرعان «سارىارقا» گازەتىنىڭ باسىلىمدارىن قا­راپ, تانىسۋعا بولادى.

«ال «اتاۋلى كۇندەر» اتتى كىتاپ كورمەسىندە ابايدىڭ «قارا سوزدەرى», 160 جىلدىق تاريحى بار «قوزى كورپەش بايان سۇلۋ», 110 جىل بۇرىن جازىلعان س. تورايعىروۆتىڭ «كىم جازىقتى؟» رومانى, سول سياقتى ورىس تىلىنە اۋدا­­رىل­عانىنا 155 جىل تول­عان «ەر تارعىن» داستانى, ا.س.پۋشكيننىڭ وسىدان 205 جىل بۇرىن جازىلعان «رۋس­لان ي ليۋدميلا» پوەما­سى وقىرماندار نازارىنا ۇسىنىلدى», دەيدى كىتاپحانا مەڭگەرۋشىسى التىن ەرجانوۆا.

كىتاپ مەرەكەسى بارىسىندا «ۇلتتىق ونەر – ۇرپاققا مۇرا» اتتى قولونەر كورمەسى ۇيىمداستىرىلدى. سونداي-اق اشەكەي بۇيىم جاساۋدىڭ قىر-سىرىن اشىپ كورسەتكەن شەبەرلىك سىنىبى ءوتتى.

بۇگىندە سادچيكوۆ كىتاپ­حاناسىندا «قازىنا», «يستوكي», «پوچەمۋچكا» اتتى ءۇش كلۋب جۇمىس ىستەيدى. مىسالى, «قازىنا» كلۋبىنا كىلەڭ ءانشى, ىسمەر زەينەتكەرلەر باس قوسقان. اشىق ەسىك كۇنى اياسىندا اتال­عان كلۋبقا مۇشە اجەلەر قىزدارعا ارناپ جاساعان شە­­­كەلىك, شاشباۋ, شولپى ءتا­رىزدى اشەكەي بۇيىمدارىن كورسەتىپ, ولاردىڭ تاربيەلىك ءمانىن ءتۇسىندىردى. ال «يستوكي» كلۋبىنىڭ مۇشەلەرى كوپشى­لىككە ءتۇرلى ەمدىك شوپتەن جاسالعان شاي قۇيىپ بەرىپ, ونىڭ دەنساۋلىققا پايداسىن, مۇنداي شايدى قالاي دايىنداپ, قالاي دەمدەۋ كەرەك ەكەنىن بايانداپ بەردى.

ءىس-شارا سوڭىندا «قازىنا» كلۋبىنىڭ مۇشەلەرى «كەشىر, انا!» اتتى وتباسىلىق تاربيە­لىك مانگە يە قويىلىمدى ساحنالادى.

قوستاناي وبلىسى