ۇكىمەتتىڭ كەڭەيتىلگەن وتىرىسىندا استانا اكىمى جەڭىس قاسىمبەك LRT قۇرىلىسىنىڭ بارىسى تۋرالى ايتتى, دەپ حابارلايدى Egemen.kz.
قالا اكىمىنىڭ ايتۋىنشا, LRT قۇرىلىسى تولىعىمەن 2025 جىلدىڭ جازىندا اياقتالادى.
«كۇن سايىن قالالىق مارشرۋتتارعا 1600-دەن استام اۆتوبۋس شىعادى. ەكى جىل ىشىندە ەلوردانىڭ قوعامدىق كولىك پاركى 45 پايىزعا جاڭارتىلدى. سىزدەردىڭ قولداۋلارىڭىزدىڭ ارقاسىندا LRT جوباسى مارەگە جەتتى. جازدا قۇرىلىس جۇمىستارى تولىعىمەن اياقتالادى. العاشقى پويىزدار قىركۇيەكتە كەلەدى, سودان كەيىن بەلسەندى تەستىلەۋ باستالادى. قالادا زاماناۋي جايلى ەكولوگيالىق كەلبەتتى قالىپتاستىرۋ بويىنشا بەلسەندى جۇمىس اتقارىلىپ جاتىر», دەدى قالا اكىمى.
جەڭىس قاسىمبەك بۇگىندە ەلوردانىڭ بارلىق تىرشىلىكتى قامتاماسىز ەتۋ نىساندارى تۇراقتى جۇمىس ىستەپ تۇرعانىن اتاپ ءوتتى. اۆتوكولىك اعىنىنىڭ ارتۋى اياسىندا قوعامدىق كولىكتى دامىتۋعا, جول وتكىزۋ قابىلەتىن ارتتىرۋعا, جاڭا كوپىرلەر سالۋعا, اۆتوتۇراقتاردىڭ جۇمىسىن جاقسارتۋعا باسا نازار اۋدارىلعان.