استانا قالاسىنداعى ساكەن سەيفۋللين اتىنداعى №80 مەكتەپ-گيمنازيانىڭ 9-سىنىپ وقۋشىسى ايسۇلتان ديحانباي قۇقىقبۇزۋشىلىقتىڭ الدىن الاتىن تىڭ جۇيە ويلاپ تاپتى.
باعدارلاما مەكەمە ىشىندەگى بەينەباقىلاۋعا ەنگىزىلىپ, ادامداردىڭ قوزعالىسىن باقىلاپ, اگرەسسيا بەلگىلەرىن انىقتاعاندا بىردەن حابارلاما ارقىلى بەلگى بەرەدى. ايسۇلتان بۇل جوباسىن ينفورماتيكا ءپانىنىڭ مۇعالىمى دانارا تىلەۋماعامبەتوۆامەن بىرلەسىپ جاساعان. «مۇنداي يننوۆاتسيالاردىڭ ارقاسىندا مەنىڭ دوستارىم وزدەرىن قاۋىپسىز سەزىنىپ, بولاشاققا سەنىممەن قاراي الادى. جالپى, بۇل قۇرىلعىنى مەكتەپتە عانا ەمەس, كەز كەلگەن مەكەمەدە پايدالانۋعا بولادى», دەيدى جاس ونەرتاپقىش.
اكۋلانىڭ ارعى اتاسى
پەرۋدەگى پالەونتولوگتەر شامامەن 9 ميلليون جىل بۇرىن تىنىق مۇحيتتا تىرشىلىك ەتكەن اكۋلانىڭ سۇيەكتەرىن تاپتى.
بۇل اكۋلا قازىرگى اق اكۋلانىڭ ارعى اتاسى بولعان دەپ سانالادى. تابىلعان ەجەلگى بالىقتىڭ ۇزىندىعى 7 مەترگە دەيىن جەتكەن. ال تىستەرى 9 سانتيمەترگە جۋىق. نەگىزى, پەرۋدە ەجەلگى الىپ بالىقتار سۇيەگى ءجيى تابىلادى. «اكۋلانىڭ تولىعىمەن ساقتالعان قالدىقتارى الەمدە وتە سيرەك كەزدەسەدى», دەيدى پالەونتولوگ ماريو ۋربينا.
سۋ استىنداعى ءتورت اي
نەمىس ينجەنەرى سۋ استىنداعى كاپسۋلادا 120 كۇن بولىپ, الەم رەكوردىن جاڭارتتى.
59 جاستاعى ريۋديگەر كوح پاناما جاعاسىنا جاقىن ماڭدا 11 مەتر تەرەڭدىكتە بولعان. كابينادا تەلەديدار, كومپيۋتەر, ۆەلوجاتتىعۋ قۇرالى سياقتى بارلىق قاجەتتى نارسە ورناتىلعان. ايتا كەتەيىك, بۇعان دەيىنگى رەكورد امەريكالىق پروفەسسور دجوزەف ديت ۋريگە تيەسىلى بولاتىن. ول سۋ استىندا 100 كۇنىن وتكىزگەن ەدى.