شىنايى دوستىق پەن باۋىرلاستىق بەلگىسى

كەشە تۇرىك رەسپۋبليكاسىنىڭ استاناسى – انكارا قالاسىندا قازاقستان رەسپۋبليكاسىنىڭ پرەزيدەنتى – ەلباسى نۇرسۇلتان نازارباەۆتىڭ ەسكەرتكىشى سالتا­نات­تى جاعدايدا اشىلدى. ەسكەرت­كىش­تىڭ اشىلۋىنا قازاقستان رەس­پۋبليكاسى پارلامەنتى ءماجىلى­سى­نىڭ توراعاسى ورال مۇحامەدجانوۆ باستاعان قازاقستاندىق دەلە­گاتسيا مۇشەلەرى, تۇركيا ۇلى ۇلتتىق ءما­جىلىسىنىڭ دەپۋتاتتارى, انكارا قالاسىنىڭ باس­شىلارى, وسى ەلدە تىركەلگەن بىرقاتار شەتەل ەلشى­­لىك­تەرىنىڭ جەتەكشىلەرى مەن ان­كا­رادا تۇرا­تىن قازاق دياسپورا­سى­نىڭ وكىلدەرى قاتىستى.

ءاليسۇلتان قۇلانباي – انكارادان.قازاقستان رەسپۋبليكاسىنىڭ تۇڭعىش پرە­زيدەنتى نۇرسۇلتان نازارباەۆتىڭ 1997 جىلعى 10 جەل­توقسانداعى تاپسىرماسىنا سايكەس استانا قالا­سىنىڭ ەڭ كورىكتى جەر­لە­رىنىڭ ءبىرى – ەسىل وزە­نى­نىڭ جاعا­سىن­داعى ساياباقتا تۇرىك حالقىنىڭ ۇلى پەر­زەنتى مۇستافا كەمال اتاتۇرىككە ەڭسەلى ەسكەرتكىش ورناتىلعان بولاتىن. الماتىنىڭ اسەم كوشەسىنە تۇركيانىڭ بۇرىنعى پرەزيدەنتى تۇرعىت ءوزال­دىڭ ەسىمى بەرىلگەن-ءدى. سونىمەن قاتار, تۇركيانىڭ قازىرگى پرەزيدەنتى ابدۋللا گۇل قازاقستانعا جاساعان جا­قىنداعى ساپارى كەزىندە: “قازاقستان پرەزيدەنتى نۇر­سۇلتان نازارباەۆقا بارلىق تۇركى الەمى ءۇشىن اتقا­رىپ كەلە جاتقان ەرەن ەڭبەگىنە وراي شىن جۇرەكتەن ال­عى­سىمىزدى بىلدىرەمىز. ءبىز اسا قۇرمەتتى نۇرسۇلتان نا­زار­باەۆقا انكارادا ەسكەرتكىش ورناتامىز”, – دەپ قا­زاق­ستاندىقتارعا عانا ەمەس, كۇللى تۇركى الەمىنە ورتاق  كەرە­مەت جاڭالىقتى جاريا ەتكەن ەدى. سونىڭ ءساتى بۇگىن كەلدى.

قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نا­زارباەۆقا ورناتىلعان ەسكەرتكىشتىڭ اشىلۋ سالتاناتى جەرگىلىكتى ۋاقىت بويىنشا ساعات 17.00-دە باستالدى. ەسكەرتكىش قويىلعان اۋماق ماڭايى مەرەكەدەگىدەي اسەم بەزەندىرىلگەن ەكەن. قازاق پەن تۇرىكتىڭ جان جا­دى­راتاتىن اندەرى مەن اۋەندەرى كە­زەك-كەزەك شىرقالۋدا. جينالعان قاۋىمنىڭ قاراسى اسا مول. بەلگى­لەنگەن ۋاقىتتا سالتاناتتى ءراسىمنىڭ رەسمي بولىگىنە كەزەك بەرىلدى. قازاقستان پارلامەنتى ءماجىلىسىنىڭ توراعاسى ورال مۇحامەدجانوۆ, تۇركيا ۇلى ۇلتتىق ءماجىلىسىنىڭ توراعاسى مەحمەت ءالي شاحين, استانا قالاسىنىڭ اكىمى يمانعالي تاسماعام­بەتوۆ, انكارا قالاسىنىڭ مەرى مەليح گوكچەك جانە قا­زاق­ستان­نىڭ تۇركياداعى ەلشىسى باعدات امىرەەۆ ەسكەرت­كىشتى كومكەرگەن ما­تانى جايىمەن تومەن تۇسىرە بەردى. سالدەن سوڭ قازاقستان رەسپۋب­لي­كاسىنىڭ تۇڭ­عىش پرەزيدەنتى –  ەلباسى نۇرسۇلتان نازارباەۆتىڭ تۇلعاسى جارقىراپ كورىنە بەردى. دۋىلداتا قول سوعىپ, ەڭسەلى ەسكەرت­كىشكە, ەلباسىنىڭ ءمۇسىن-تۇلعاسىنا قىزىعا دا قۋانا كوز تاستاپ جا­تىرمىز. ەسكەرتكىش  انكارانىڭ ەڭ كو­رىك­تى جەرىنىڭ ءبىرى “گەمچيليك” ور­تا­لىق پاركىندە تۇرعىزىلعان. جال­پى بيىكتىگى – 5 مەتر 10 سانتيمەتر, ەسكەرتكىشتىڭ تۇعىرى گرانيتتەن, ال ءمۇسىن تۇلعاسى تازا قولادان قۇيىل­عان. اۆتورى سكۋلپتور گيۋرسەل چاتالتەپە. سالتاناتتى شارا قازاقستان مەن تۇركيانىڭ مەملەكەتتىك ءان­ۇران­دارىنىڭ ورىندالۋىمەن ءارى قاراي جالعاستى. ودان كەيىن, رە­تىمەن ايتقاندا, انكارا قالاسىنىڭ مەرى مەليح گوكچەك, تۇركيا ۇلى ۇلتتىق ءماجىلىسىنىڭ توراعاسى مەح­مەت ءالي شاحين جانە قازاقستان پارلامەنتى ءماجىلىسىنىڭ توراعاسى ورال مۇحامەدجانوۆ ءسوز سويلەپ, وسىناۋ ايتۋلى شاراعا, ۇلكەن وقي­عاعا بايلانىستى پىكىرلەرىن ءبىل­دى­رىپ, قازاقستان مەن تۇركيا ارا­سىن­داعى ىنتىماقتاستىققا, دوستىق قا­تىناستارعا قاتىستى وي-پايىم­دا­رىن ورتاعا سالدى. نۇرسۇلتان نا­زار­باەۆتىڭ ەكى ەل اراسىنداعى ىن­تىماقتاستىقتى دامىتۋداعى ەرەن ەڭبەگىن, قوسقان ۇلەسىن ايرىقشا اتاپ ءوتتى. قازاقستان باسشىسىنا تۇركيانىڭ تورىندە ورناتىلعان ەسكەرتكىش سوعان بەرىلگەن باعا ەكەنىن ريزاشىلىقپەن ايتتى. تۇركى حالىقتارىنىڭ الدىندا سىڭىرگەن اسا زور ەڭبەگى ءۇشىن ان­كا­رانىڭ ورتالىعىندا قازاقستاننىڭ تۇڭعىش پرەزيدەنتى نۇرسۇلتان نازارباەۆقا ەسكەرتكىش ورناتۋ ءجو­نىن­دەگى تۇرىك اعايىندارىمىزدىڭ شى­نايى باۋىرلاستىق شەشىمىن قازاقستاندىقتار اسا زور ىقى­لاس­پەن قارسى الدى, دەدى ءماجىلىس ءتور­اعاسى ورال مۇحامەدجانوۆ سالتا­ناتتى راسىمدە سويلەگەن سوزىندە. نۇرسۇلتان نازارباەۆ – الەمدەگى ماڭىزدى وقيعالار بارىسىنا جار­قىن دا ەلەۋلى ۇلەس قوسقان تاريحي قايراتكەر. نۇرسۇلتان نازارباەۆ قازاقستان تاريحىندا تۇرىك رەس­پۋب­ليكاسىندا مۇستافا كەمال اتاتۇرىك سياقتى ايرىقشا ورىن الادى. بۇگىنگى كۇنى قازاقستاندا نۇرسۇلتان نازارباەۆ پرەزيدەنت قانا ەمەس, قازاقستان رەسپۋبليكاسىنىڭ نەگى­زىن قالاۋشى, حالىق ساناسىندا ۇلت تانىعان ەلباسى بولىپ تابىلادى. نۇرسۇلتان نازارباەۆ دارا تۇلعالىق قاسيەتىنىڭ ارقاسىندا قوعامنىڭ كۇش-جىگەرىن  جاڭا مەملەكەتتىلىكتىڭ نە­گىزدەرىن قالاۋعا باعىتتاپ, تۋعان ەلىنىڭ الەمدىك قوعامداستىقتا لايىقتى ورىن الۋىن قامتاماسىز ەتتى. قازاقستان پارلامەنتى ءماجى­لى­سى­نىڭ توراعاسى ءسوزىنىڭ سوڭىندا وسى­ناۋ تاريحي شارانى  جۇزەگە اسىر­عان تۇرىك رەسپۋبليكاسىنىڭ, انكارا قالاسىنىڭ باسشىلىعىنا قازاق حالقىنىڭ اتىنان تۋىستىق, دوستىق ريزاشىلى­عىن ءبىلدىرىپ, العىس ايتتى. ەلباسىمىزدىڭ قا­جىر­لى ەڭبەگىن لايىقتى باعالاپ, قۇرمەت كورسەتكەن تۋىسقان تۇرىك حالقىنا شىن جۇرەكتەن  العىس ايتا وتىرىپ, دەدى ورال بايعونىس ۇلى, وسى تاريحي وقيعانىڭ ءبىزدىڭ حالىقتارىمىز اراسىنداعى دوستىق بايلانىستاردى ودان ءارى تەرەڭدەتە تۇسۋگە قىزمەت ەتەتىنىنە سەنىمدىمىن. ورال مۇحامەدجانوۆ كەشە, سون­داي-اق تۇركيا ۇلى ۇلتتىق ءماجى­لى­سىنىڭ توراعاسى مەحمەت ءالي شا­حين­مەن كەزدەستى. كەزدەسۋ بارى­سىن­دا تاراپتار ەكى ەل اراسىنداعى پار­لامەنتارالىق بايلانىستاردى ءارى قاراي تەرەڭدەتۋ جونىندە اڭگىمە­لەستى. سونىمەن قاتار, قازاقستان پارلامەنتى ءماجىلىسىنىڭ توراعاسى باستاعان قازاقستاندىق دەلەگاتسيا ان­كارا قالاسىنىڭ مەرياسىندا بولدى. سول كۇنى, سونداي-اق قا­زاقستان رەسپۋبليكاسىنىڭ مادە­نيەت مي­نيسترى م.قۇل-مۇحاممەد پەن تۇرىك رەسپۋبليكاسىنىڭ تۋ­ريزم جانە مادەنيەت ءمينيسترى ا.گۋنايدىڭ, قازاقستان رەسپۋب­لي­كا­سىنىڭ تۋريزم جانە سپورت مي­نيسترى ت.دوسمۇحان­بەتوۆ پەن تۇرىك رەسپۋبليكاسىنىڭ مەملەكەتتىك ءمينيسترى ف.نافيز وزاكتىڭ كەز­دەسۋلەرى بولدى. ال ەسكەرتكىشتىڭ اشىلۋ سال­تا­ناتىنا سىرتقى ىستەر ءمينيسترىنىڭ ءبىرىنشى ورىنباسارى نۇرتاي ءابى­قاەۆ, پرەزيدەنت اكىمشىلىگى باس­شى­سىنىڭ ورىنباسارى باۋىرجان بايبەك قاتىستى. سۋرەتتى تۇسىرگەن س.مايلىباەۆ.