قوعامدىق كەڭەس «قازاقستان رەسپۋبليكاسىنىڭ قۇراما جانە شتاتتىق قۇراما كوماندالارىنىڭ قۇرامىن قالىپتاستىرۋ قاعيدالارىن بەكىتۋ تۋرالى» بۇيرىقتى قاراستىرىپ, ماقۇلدادى. اتاپ ايتقاندا, قۇرامالارعا قابىلدانۋ ءۇشىن قاجەتتى قۇجاتتار ءتىزىمى وزگەرتىلدى, دەپ حابارلايدى Egemen.kz.
ەندى اككرەديتتەلگەن سپورت فەدەراتسيالارى سپورتشىلاردىڭ ءبىرىنشى جانە جەكە جاتتىقتىرۋشىلارىن كورسەتە وتىرىپ, نوتاريۋسپەن كۋالاندىرىلعان وتىنىشتەردى ۇسىنۋعا ءتيىس.سونىمەن قاتار سپورت رەزەرۆىن دايارلايتىن جانە جوعارى بىلىكتى سپورتشىلاردى تاربيەلەيتىن سپورت ۇيىمدارىندا سپورتشىلاردىڭ جاس سانىن رەتتەيتىن بۇيرىق وزگەردى.
ونداعى نەگىزگى وزگەرىستەر:
گرەك-ريم كۇرەسى: جاستار جاسى 18-23-تەن 18-20 جاسقا, ەرەسەكتەر جاسى 23-تەن 21 جاسقا دەيىن تومەندەدى; دزيۋدو: ءجاسوسپىرىم شاق جاسى 12-18-دەن 13-17 جاسقا, جاسوسپىرىمدەر جاسى 18-21-دەن 18-20 جاسقا, جاستار جاسى 21-23-تەن 21-22 جاسقا دەيىن تومەندەدى; شورت-ترەك: بالالار جاسى 7-10-نان 5-7 جاسقا دەيىن, جاسوسپىرىمدەر جاسى 11-15-تەن 8-15 جاسقا دەيىن قىسقاردى.سونداي-اق بالالار مەن جاسوسپىرىمدەر سپورت مەكتەپتەرىندە, ەرەكشە جاندارعا ارنالعان مامانداندىرىلعان مەكتەپتەردە وقيتىن 18 جاسقا دەيىنگى بالالار ءۇشىن جاس شەكتەۋلەرى الىنىپ تاستالدى.