مەملەكەت باسشىسى تۇركيا رەسپۋبليكاسىنىڭ پرەزيدەنتىنە كوڭىل ايتۋ جەدەلحاتىن جولدادى, دەپ جازادى Egemen.kz.
قاسىم-جومارت توقاەۆ جەدەلحاتتا بولۋ پروۆينتسياسىندا ورنالاسقان كارتالكايا تاۋ شاڭعىسى ورتالىعىندا بولعان ءورت سالدارىنان كوپتەگەن ادامنىڭ قازا تاپقانى تۋرالى سۋىت حاباردى تەرەڭ كۇيزەلىسپەن قابىلداعانىن جەتكىزدى.
سونىمەن قاتار مەملەكەت باسشىسى قازاقستان حالقىنىڭ جانە ءوزىنىڭ اتىنان تۇركيا پرەزيدەنتى رەجەپ تايپ ەردوعان مەن جاقىندارىنان ايىرىلعان وتباسىلارعا, سونداي-اق باۋىرلاس تۇرىك حالقىنا كوڭىل ايتىپ, زارداپ شەككەندەردىڭ تەز ارادا ساۋىعىپ كەتۋىنە تىلەكتەستىك ءبىلدىردى.