جەلىدە استانالىق وق اتۋ كلۋبتارىنىڭ بىرىندە جاتتىعۋ كەزىندە 19 جاستاعى جىگىتتىڭ كەنەتتەن وزىنە وق اتقانى تۋرالى اقپارات پايدا بولدى. بۇل فاكتىنى ەلوردالىق پوليتسيا دەپارتامەنتىنىڭ ءباسپاسوز قىزمەتى راستادى, دەپ حابارلايدى Egemen.kz.
«19 جاستاعى ەلوردا تۇرعىنىنىڭ ءمايىتىن تابۋ فاكتىسى بويىنشا قىلمىستىق ءىس قوزعالدى. قازىرگى ۋاقىتتا وقيعانىڭ بارلىق ءمان-جايىن وبەكتيۆتى تەكسەرۋگە باعىتتالعان بارلىق قاجەتتى تەرگەۋ ارەكەتتەرى جۇرگىزىلىپ جاتىر», دەلىنگەن حابارلامادا.
بۇعان دەيىن الماتىدا 16 جاستاعى مەكتەپ وقۋشىسى ءوز-وزىنە قول جۇمساعان بولاتىن. الدىن الا مالىمەت بويىنشا, وقيعا مەدەۋ اۋدانىنداعى مەكتەپتەردىڭ بىرىندە بولعان.