ەلىمىزدىڭ قاي وڭىرلەرىندە قىلمىس كوپ جاسالادى

باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ مالىمەتىنشە, جالپى قىلمىستىڭ 5,3 پايىزعا (140 272-دەن 132 778-گە) تومەندەۋىنىڭ وڭ ديناميكاسى بايقالادى.

ءوسىم كەلەسى وبلىستاردا بايقالادى: ماڭعىستاۋدا – 12,2 پايىزعا (3097 – دەن 3474 – كە دەيىن), اتىراۋدا – 8,5 پايىزعا (4283 – تەن 4647-گە دەيىن), پاۆلودار وبلىسىندا – 5,6 پايىزعا (5039-دان 5322-گە دەيىن), قىزىلوردا وبلىسىندا – 4,6 پايىزعا (2871-دەن 3003-كە دەيىن), ۇلىتاۋدا – 2,8 پايىزعا (1278-دەن 5322-گە دەيىن 1314), الماتى وبلىسىندا – 1,6 پايىزعا (10 223 – تەن 10 385-كە دەيىن) جانە اقمولا وبلىسىندا – 0,7 پايىزعا (5084-تەن 5120-عا دەيىن).

«قىلمىستىڭ ەڭ كوپ سانى الماتى قالاسىندا – 24 965 (18,8 پايىز) جانە استانادا – 17 339 (13,1 پايىز), الماتى وبلىسىندا – 10 385 (7,8 پايىز) جانە قاراعاندى وبلىسىندا ​​– 7 562 (5,7 پايىز) جاسالعان», دەلىنگەن حابارلامادا. 

قىلمىستىق قۇقىق بۇزۋشىلىقتاردىڭ جالپى سانىنىڭ 34 پايىزىن الاياقتىق (45 156), 23 پايىزىن ۇرلىق (30 593), 6,3 پايىزىن ەسىرتكى قىلمىسى (8 363), 1,2 پايىزىن توناۋ (1 551), 1,2 پايىزىن بۇزاقىلىق (1615), 0,8 پايىزىن – مال ۇرلىعى (1051), 0,4 پايىزىن – كىسى ءولتىرۋ (566), 0,3 پايىزىن – زورلىق-زومبىلىق (421), وزگە دە قىلمىستار – 32,7 پايىزىن (43 462) قۇرايدى.

كىشىگىرىم قىلمىستار – 7,6 پايىزعا (21 826-دان 20 178-گە), اۋىرلىعى ورتاشا قىلمىستار – 16,8 پايىزعا (58 874-تەن 48 992-گە) جانە اۋىر قىلمىستار – 2,2 پايىزعا (37 548-دەن 36 736-عا) ازايعان.