تسيفرلىق دامۋ مينيسترلىگى پاسپورت پەن جەكە كۋالىكتەردى تەرمينال ارقىلى بەرۋگە ارنالعان پيلوتتىق جوبا ازىرلەدى, دەپ جازادى Egemen.kz.
بۇل قىزمەت بيومەتريالىق سايكەستەندىرۋ تەرمينالى ارقىلى جۇزەگە اسىرىلادى.
پيلوتتىق جوبا رەسپۋبليكالىق ماڭىزى بار قالالار مەن استانادا, وبلىستاردىڭ اكىمشىلىك ورتالىقتارىندا, سونداي-اق بايقوڭىر قالاسىندا باستالادى.
«قولدانىستاعى تارتىپكە بالاما نۇسقا رەتىندە «ازاماتتارعا ارنالعان ۇكىمەت» مەملەكەتتىك كورپوراتسياسى» كوممەرتسيالىق ەمەس اكتسيونەرلىك قوعامىنىڭ فرونت-وفيستەرىندە بيومەتريالىق سايكەستەندىرۋدى پايدالانا وتىرىپ, قۇجاتتاۋ تەرمينالى ارقىلى «قازاقستان رەسپۋبليكاسىنىڭ ازاماتتارىنا پاسپورتتار, جەكە كۋالىكتەر بەرۋ» مەملەكەتتىك قىزمەتىن كورسەتۋ 2025 جىلعى 1 قاڭتاردان باستاپ 2025 جىلعى 31 جەلتوقسانعا دەيىن ىسكە اسىرىلادى», دەلىنگەن اشىق نقا پورتالىندا جاريالانعان بۇيرىق جوباسىندا.