استانا اكىمدىگىنىڭ باستاماسىمەن ۇلى جەڭىستىڭ 80 جىلدىعىنا وراي ەكىنشى دۇنيەجۇزىلىك سوعىس ارداگەرلەرىنە تولەنەتىن تولەماقى مولشەرى 2,5 ەسەگە ۇلعايدى, دەپ حابارلايدى Egemen.kz.
قالا اكىمدىگىنىڭ حابارلاۋىنشا, استانادا تۇراتىن ارداگەرلەردىڭ ارقايسىسىنا 5 ميلليون تەڭگەدەن بەرىلەدى. ايتا كەتەيىك, قازىر ەلوردادا 6 ارداگەر تۇرادى.
«بۇدان باسقا, جەڭىلدىكتەر بويىنشا سوعىس ارداگەرلەرىنە تەڭەستىرىلگەندەر (چاەس قاتىسۋشىلارى مەن مۇگەدەكتەرىنەن باسقا) (سوعىس كەزەڭىندە قىزمەت ەتكەن اسكەري قىزمەتشىلەر, فاشيستىك گەرمانياعا قارسى ءىس-قيمىلدارعا قاتىسقان ادامدار, لەنينگراد قالاسىندا بلوكادا كەزەڭىندە جۇمىس ىستەگەن ازاماتتار, كونتسلاگەرلەردىڭ كامەلەتكە تولماعان تۇتقىندارى, اسكەري قىزمەتشىلەر, جارالانۋى سالدارىنان مۇگەدەكتىگى بار ادامدارعا, ازاماتتىق نەمەسە اسكەري ماقساتتاعى وبەكتىلەردەگى رادياتسيالىق اپاتتار, يادرولىق سىناقتار سالدارىنان مۇگەدەكتىگى بەلگىلەنگەن ادامدارعا, مۇگەدەكتىگى اتا-اناسىنىڭ ءبىرىنىڭ رادياتسيالىق ساۋلەلەنۋىنەن گەنەتيكالىق جولمەن بەرىلگەن) – 45 اەك (176 940 تەڭگە) مولشەرىندە تولەم الادى. وزگە مەملەكەتتەردىڭ اۋماعىنداعى اسكەري قيمىلداردىڭ ارداگەرلەرى (اۋعانستانداعى اسكەري قيمىلداردىڭ ارداگەرلەرىنەن باسقا) (تاجىك-اۋعان سەكتورىندا, يراكتاعى حالىقارالىق بىتىمگەرشىلىك وپەراتسياسىندا تاپسىرمالاردى ورىنداعان اسكەري قىزمەتشىلەر), تاۋلى قاراباقتاعى ۇلتارالىق قاقتىعىستى رەتتەۋدە) – 45 اەك (176 940 تەڭگە)», دەلىنگەن حابارلامادا.
«ارداگەرلەر تۋرالى» قازاقستان رەسپۋبليكاسىنىڭ زاڭىندا كوزدەلگەن وزگە دە تۇلعالارعا (تىل ەڭبەككەرلەرى, قايتىس بولعان اسكەري قىزمەتشىلەردىڭ وتباسىلارى, قايتىس بولعان سوعىس ارداگەرىنىڭ جۇبايى) – 15 اەك (58 980 تەڭگە) مولشەرىندە بەرىلەدى.
بۇعان دەيىن جەڭىستىڭ 80 جىلدىعىنا وراي قاراعاندىلىق ارداگەرلەردىڭ ارقايسىسىنا 3 ميلليون تەڭگەدەن بەرىلەتىنى ءمالىم بولعان ەدى.