قازاقستان رەسپۋبليكاسى ۇكىمەتىنىڭ قاۋلىسىمەن سىدىقوۆ ايبەك جەكسەنالى ۇلى مادەنيەت جانە اقپارات ۆيتسە-ءمينيسترى قىزمەتىنە تاعايىندالدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
سىدىقوۆ ايبەك جەكسەنالى ۇلى 1983 جىلى الماتى قالاسىندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن بىتىرگەن.
ەڭبەك جولىن 2006 جىلى «الماتى قالاسى تاريحى مۋزەيى» كمقك-دا ەكسكۋرسيا جۇرگىزۋشىسى بولىپ باستاعان.
2007–2015 جىلدارى — «الماتى قالاسى تاريحى مۋزەيى» كمقك عىلىمي قىزمەتكەرى, ديرەكتوردىڭ ورىنباسارى, ديرەكتورى.
2015–2016 جىلدارى — «الماتى قالاسى مۋزەيلەرىنىڭ بىرلەستىگى» كمقك ديرەكتورى.
2016–2022 جىلدارى — «مادەنيەتتەردى جاقىنداستىرۋ ورتالىعى مەملەكەتتىك مۋزەيى» رمقك مۇراجاي ءبولىمىنىڭ باسشىسى, ديرەكتوردىڭ ورىنباسارى.
2022 جىلدان باستاپ قازىرگى ۋاقىتقا دەيىن — قر مادەنيەت جانە اقپارات مينيسترلىگى مادەنيەت كوميتەتىنىڭ «قازاقستان رەسپۋبليكاسىنىڭ ۇلتتىق مۋزەيى» رمقك ديرەكتورىنىڭ ورىنباسارى بولعان.