پاۆلودار قالاسىنىڭ پروكۋراتۋراسى پوليتسيا دەپارتامەنتىمەن بىرلەسىپ, مۇگەدەكتىگى بار زەينەتكەرلەردى جۇيەلى تۇردە ۇرىپ-سوققان جەكە پانسيونات قىزمەتكەرلەرىن انىقتادى, دەپ حابارلايدى Egemen.kz باس پروكۋراتۋرانىڭ ءباسپاسوز قىزمەتىنە سىلتەمە جاساپ.
«پانسيونات قىزمەتكەرلەرى 20 قارت ادامنىڭ كونستيتۋتسيالىق قۇقىقتارىن ورەسكەل بۇزعان (تاماقتانۋدى, قوزعالىستى شەكتەدى, ۇرىپ-سوقتى) جانە ۇزاق ۋاقىت بويى قايتىس بولعان ادامداردىڭ پاتەرلەرىن جالعا بەرىپ كەلگەن», دەلىنگەن حابارلامادا.
كورسەتىلگەن فاكتىلەر بويىنشا سوتقا دەيىنگى ءىس جۇرگىزۋ باستالعان.
ايتا كەتەيىك, ولاردى تەرگەپ-تەكسەرۋ ىشكى ىستەر ورگاندارىنا تاپسىرىلدى.
قر قپك-ءنىڭ 201-بابىنا سايكەس تەرگەۋ مۇددەسى ءۇشىن وزگە اقپارات جاريا ەتىلمەيدى.