تانىمال قىتايتانۋشى يۆان زۋەنكو قاسىم-جومارت توقاەۆتىڭ تاعى ءبىر ەل كورمەگەن سۋرەتىن جاريالادى, دەپ حابارلايدى Egemen.kz.
«1983/1984 وقۋ جىلىنىڭ تاعىلىمدامادان وتۋشىلەر توبىنىڭ بەيجىڭ ءتىل ينستيتۋتىنداعى ساباق كەزىندە تۇسىرىلگەن سۋرەتى... ەكىنشى قاتاردا ەكىنشى تۇرعان - قازىرگى قازاقستان پرەزيدەنتى قاسىم-جومارت كەمەل ۇلى توقاەۆ. ونىڭ جانىندا سول كەزدەگى ممۋ تاريح-فيلولوگيا فاكۋلتەتىنىڭ دەكانى انتونينا فەدوروۆنا كوتوۆا. ءبىرىنشى قاتاردىڭ وڭ جاق شەتىندە - ممۋ شىعىستانۋ ينستيتۋتىنىڭ تۇلەگى, قازىر رەسەي فەدەراتسياسىنىڭ قحر-داعى ەلشىسى يگور ۆلاديميروۆيچ مورگۋلوۆ», دەپ ءتۇسىندىردى زۋەنكو.
قىتايتانۋشىنىڭ ايتۋىنشا, قاسىم-جومارت توقاەۆ تاعىلىمدامادان وتۋشىلەردىڭ ءبىرىنشى توبىنىڭ ستاروستاسى بولعان. 1984-1985 جىلدارى ول كسرو سىرتقى ىستەر مينيسترلىگىنىڭ ورتالىق اپپاراتىندا قىزمەت ەتكەن, ول كەزدە بۇل وتە بەدەلدى جۇمىس بولىپ ەسەپتەلگەن.
ايتا كەتەيىك, يۆان زۋەنكو — ممحقي حالىقارالىق زەرتتەۋلەر ينستيتۋتىنىڭ اعا عىلىمي قىزمەتكەرى, شىعىستانۋ كافەدراسىنىڭ دوتسەنتى, تاريح عىلىمدارىنىڭ كانديداتى.