بەلگيادا ءتۇرلى سالا وكىلى قاتىسقان جالپىۇلتتىق ەرەۋىل ءوتىپ جاتىر, دەپ حابارلايدى Egemen.kz.
بريۋسسەل مەن ۆاللونيادا پويىز قاتىناسى, پوشتا بايلانىسى جانە ورتا ءبىلىم بەرۋ مەكەمەلەرىنىڭ جۇمىسى توقتاتىلدى. ەرەۋىل سونداي-اق اۋە كومپانيالاردىڭ كەستەلەرىنە, كوممۋنالدىق قىزمەتكەرلەرگە جانە جەرگىلىكتى تۇرمەلەرگە اسەر ەتتى.
ABVV-FGTB سوتسياليستىك كاسىپوداقتار فەدەراتسياسىنىڭ پرەزيدەنتى تەرري بودسوننىڭ بەلگيالىق باق-قا حابارلاۋىنشا, دۇيسەنبى كۇنى تاڭەرتەڭ بريۋسسەل كوشەلەرىنە 30 مىڭنان استام دەمونسترانت شىقتى.
شەرۋدىڭ باستاپقى نۇكتەسى ورتالىق تەمىرجول ۆوكزالى بولدى. كولوننانى لەج, بريۋسسەل قالالارى مەن فلاندريانىڭ ءبىر بولىگىنەن كەلگەن 100-گە جۋىق ءورت ءسوندىرۋشى باسقاردى, ودان كەيىن فرانتسۋز جانە نيدەرلاند تىلدەرىن بىلەتىن كاسىپوداق وكىلدەرى ءجۇردى. فلاماند مۇعالىمدەرى شەرۋگە قاتىسۋشىلاردىڭ ەڭ كوپ بولىگىن قۇرادى.