چەحيانىڭ سولتۇستىك-باتىسىنداعى موست قالاسىندا «U Kojota» مەيرامحاناسىندا گاز جارىلىپ, سالدارىنان التى ادام قازا تاۋىپ, سەگىز ادام ءتۇرلى دەنە جاراقاتىن العان, دەپ حابارلايدى Egemen.kz.
Around Prague باسىلىمىنىڭ حابارلاۋىنشا, جارىلىس مەيرامحانانىڭ باقشاسىندا گاز جىلىتقىشىنىڭ قۇلاپ كەتۋىنەن بولعان.
ءورت سوندىرۋشىلەر كەلگەنشە عيمارات جالىنعا ورانىپ ۇلگەرگەن. سونداي-اق, ءورتتى ءسوندىرۋ بارىسىندا بىرنەشە پروپان-بۋتان باللوندارى جارىلىپ, قالعاندارى عيماراتتان شىعارىلعان.
قىزىل جالىندى سوندىرۋگە 13 بولىمشەدەن 63 ءورت ءسوندىرۋشى جۇمىلدىرىلعان. ءورت تۇنگى 1-دە وقشاۋلانعان, بىراق ەرىكتى ءورت سوندىرۋشىلەردىڭ ءبىرى زارداپ شەككەن.
ايتا كەتەيىك, جارىلىس كەزىندە مەيرامحانادا 20-عا جۋىق قوناق بولعان.