وبلىس پروكۋراتۋراسى ماڭعىستاۋ تەحنيكالىق كوللەدجىنىڭ قىزمەتىن تەكسەرۋ كەزىندە ەسەپشىنىڭ قارجى جىمقىرىپ كەلگەنىن انىقتاعان, دەپ جازادى Egemen.kz.
كوللەدجدىڭ باس بۋحگالتەرى ىس-ساپار, شاكىرتاقى جانە سالىق مىندەتتەمەلەرى ءۇشىن بولىنگەن قارجىنىڭ 243 ملن تەڭگەسىن ءوز شوتىنا اۋدارىپ وتىرعان.
ماڭعىستاۋ وبلىستىق پروكۋراتۋراسى وسى فاكتى بويىنشا قك-ءنىڭ 189-بابى 4-بولىگى 2) تارماقشاسىمەن سوتقا دەيىنگى تەرگەپ-تەكسەرۋ جۇرگىزىلىپ جاتقانىن حابارلادى. قىلمىستىق ءىس ارنايى پروكۋروردىڭ وندىرىسىنە ءوتىپ, سوت ساراپتامالارى تاعايىندالعان.
باسقا مالىمەتتەر تەرگەۋ مۇددەسى ءۇشىن جاريا ەتىلمەگەن.