ەل دەنساۋلىعىن ەسكەرگەن ءىس

زاۋىتتىڭ نەگىزگى ءونىمى – «Hormesis» (حورمەزيس) برەن­دىمەن شىعارىلاتىن ەنەر­گەتيكالىق گەل. ايتا كەتەرلىگى, بۇل ءونىم ەلىمىزدەگى دەنساۋلىق ساقتاۋ, تاماقتانۋ سالاسىندا سيرەك كەزدەسەتىن ماڭىزدى قادام بولىپ سانالادى. جاڭا ءوندىرىس ورنى جەرگىلىكتى ەكونوميكانىڭ وركەندەۋىنە وزىندىك ۇلەس قوسۋمەن قاتار, حالىقتىڭ دەنساۋلىعىنا دا ەلەۋلى اسەر ەتەتىن ءونىم شى­عارماق. ەلدى ەلەڭ ەتكىزگەن جا­عىمدى جاڭالىعى دا وسى.

زاۋىت «عىلىم قورى» اك­­تسيونەرلىك قوعامىنىڭ گرانت­­تىق قارجىلاندىرۋى, مەن­شىكتى ينۆەستيتسيالار ەسە­بىنەن ىسكە قوسىلىپ وتىر. ون­دىرىستىك الاڭ 500 شارشى مەتردەن استام اۋماقتى قامتيدى. وندا تسەح, زەرتحانا, زاۋىت جۇمىسشىلارىنا ار­نالعان شارۋاشىلىق-تۇر­مىستىق ءۇي-جايلار ورنا­لاسقان. ما­مانداردىڭ ايتۋىنشا, زاماناۋي تەحنولوگيالار مەن جابدىقتار ارقىلى ءونىم ساپاسىن جاقسارتۋعا بو­لادى. جاڭا ءوندىرىس جىلىنا 1 200 000 قاپتاما ءونىم شى­عارماق. «Hormesis» گەلى – دەن­ساۋلىقتى نىعايتىپ, دەرتتىڭ الدىن الۋعا قولداناتىن ءونىم. ەنەر­گەتيكالىق گەل وتاندىق ستاندارتتارعا تولىق سايكەس كەلەدى. وندىرىلەتىن ءونىم قازاق تاعامتانۋ اكادەمياسىندا زەرت­حانالىق سىناقتاردان وتكەن. بارلىق ءتيىستى سەرتيفيكاتتارى بار. زاۋىت ءوز ءونىمى ارقىلى ەل­دىڭ دەنساۋلىعىن جاقسارتۋعا سەپتىگىن تيگىزبەك. سون­داي-اق سالاماتتى ءومىر سال­تىن ساقتاپ, دەنەشىنىق­تىرۋمەن اينالىساتىن ادام­داردىڭ كۇش-قۋاتىن ارتتى­رۋعا ىقپال ەتەدى.

كاسىپورىننىڭ اشىلۋى ءوڭىر ەكونوميكاسىن دامى­تۋعا, جاڭا جۇمىس ورىندارىن اشۋعا, جەرگىلىكتى تۇر­عىن­داردىڭ ءال-اۋقاتىن ارتتىرۋعا سەپتىگىن تيگىزەتىن ما­­­ڭىزدى قادام. الداعى ۋا­قىتتا سەرىكتەستىك ديەتالىق, پروفيلاكتيكالىق تاماق ونىم­دەرىن شىعارۋ اياسىن كە­ڭەيتىپ, ءوز ونىمدەرىنىڭ ساپاسىن ارتتىرۋ ماقساتىندا جاڭا تەحنولوگيالاردى پايدالانۋدى مەجەلەپ وتىر.

اقمولا وبلىسى,

شورتاندى اۋدانى