قايعىلى وقيعا قاراعاندى قالاسىنداعى تۇرعىن ۇيلەردىڭ بىرىندە بولعان. سالدارىنان 2 جانە 4 جاستاعى ەكى بالا كوز جۇمدى, دەپ حابارلايدى Egemen.kz.
انىقتالعانداي, وتقا ورانعان پاتەردە تۇرمىستىق زاتتار جانىپ كەتكەن. توتەنشە جاعدايلار مينيسترلىگى جالپى اۋماعى 50 شارشى مەتردى قۇرايتىن ءورتتى تولىقتاي وقشاۋلاعان.
پاتەردەن 2020 جانە 2022 جىلى تۋعان ەكى بالانىڭ ءمايىتى تابىلعان. قۇتقارۋشىلار كەلگەنگە دەيىن 2017 جانە 2015 جىلى تۋعان ەكى بالا وزدىگىنەن شىعىپ, اۋرۋحاناعا جەتكىزىلگەن. سونداي-اق 1964 جىلى تۋعان ايەل قۇتقارىلعان.
الدىن الا مالىمەت بويىنشا, ءورتتىڭ شىعۋ سەبەبى – ەلەكتر سىمدارىنىڭ قىسقا تۇيىقتالۋى. قايعىلى وقيعاعا بايلانىستى قىلمىستىق ءىس قوزعالدى.