ماجىلىستەگى «اۋىل» پارتياسى فراكتسياسىنىڭ مۇشەلەرى الماتى وبلىسىنا ساپارىن جىلىجاي جۇمىسىمەن تانىسۋدان باستادى, دەپ حابارلايدى Egemen.kz.
پارتيا جانە اگرارلىق ماسەلەلەر جونىندەگى كوميتەت توراعاسى سەرىك ەگىزباەۆ پەن ءماجىلىس دەپۋتاتى نيكولاي ارسيۋتين الماتى وبلىسى ىلە اۋدانىندا ورنالاسقان «EURASIAN GREEN PRODUCT» جىلىجاي كەشەنىندە بولىپ, قىزمەتكەرلەرمەن كەزدەستى.
دەپۋتاتتار ءبىرىنشى كەزەكتە كاسىپورىننىڭ قۋاتتىلىعىن, ونداعى ءوندىرىلىپ جاتقان ءونىم ساپاسىن قاراپ شىقتى.
كەزدەسۋ بارىسىندا سەرىك ەگىزباەۆ كاسىپورىن جۇمىسشىلارىنا اۋىل شارۋاشىلىعى سالاسىن, ەلدى مەكەندەردى دامىتۋ بويىنشا مەملەكەت تاراپىنان اتقارىلىپ جاتقان جۇمىستار, پارلامەنتتە قابىلدانىپ جاتقان زاڭدار, ينۆەستيتسيا, پارتيا تاراپىنان قولعا العان جوبالار تۋرالى ايتتى. سونداي-اق دەپۋتاتتار ۇجىم قىزمەتكەرلەرىنىڭ جەرگىلىكتى ماسەلەلەر بويىنشا قويعان ساۋالدارىنا جاۋاپ بەردى.
«Eurasian Green Product» جىلىجايىنىڭ باسشىلىعى ءوز كەشەندەرىنە سولتۇستىك قازاقستان وبلىسىنداعى تاجىريبە نەگىزىندە 2,5 پايىزبەن نەسيە بەرۋ جولدارىن قاراستىرۋدى سۇرادى.
- «اۋىل» پارتياسى فراكتسياسى ءماجىلىس وتىرىسىندا جانە ۇكىمەت ساعاتىندا سىزدەردىڭ وسى سۇراقتارىڭىز بويىنشا ساۋال جولدايتىن بولادى. تاعى ءبىر ايتا كەتەتىن جايت, سولتۇستىك قازاقستان وبلىسىنداعى جىلىجاي نەگىزىندە الماتى وبلىسىندا دا كەشەن سالۋدى قولعا الامىز, - دەدى پارتيا توراعاسى.