جوعارعى سوتتىڭ قىلمىستىق ىستەر جونىندەگى سوت القاسىندا ا.شيگابۋتدينوۆاعا قاتىستى قىلمىستىق ءىس قارالدى, دەپ حابارلايدى Egemen.kz.
جوعارعى سوتتىڭ ءباسپاسوز قىزمەتىنىڭ مالىمەتىنشە, سوت ۇكىمىمەن شيگابۋتدينوۆا سەنىپ تاپسىرىلعان قاراجاتتى جىمقىرۋ بويىنشا ايىپتى دەپ تانىلعان (قك-ءنىڭ 189-بابى 4-بولىگىنىڭ 2-تارماعى). وعان 8 جىلعا باس بوستاندىعىنان ايىرۋ جازاسى تاعايىندالعان.
ءىس ماتەريالدارىن زەردەلەۋ مىنانى كورسەتتى.
شيگابۋتدينوۆا جشس بۋحگالتەرى بولا تۇرا, باسشىلىق ۇسىنعان «بانك-كليەنت» باعدارلاماسىنا رۇقساتى بولا وتىرىپ, جشس شوتىنان ەكى جەكە كاسىپكەردىڭ ەسەپشوتىنا بانك رەكۆيزيتتەرىندە ونىڭ جانە اعاسىنىڭ شوتىنىڭ ءنومىرىن كورسەتە وتىرىپ, 613 ميلليون تەڭگەدەن استام قاراجات اۋدارعانى انىقتالدى.
شيگابۋتدينوۆانىڭ كىناسى جينالعان ايعاقتارمەن دالەلدەندى. سونىمەن بىرگە ونىڭ ارەكەتى دۇرىس سارالانباعان.
«ۇرلىق تۋرالى ىستەر بويىنشا سوت پراكتيكاسى تۋرالى»جوعارعى سوتتىڭ 2003 جىلعى 1 شىلدەدەگى N 8 نورماتيۆتىك قاۋلىسىنىڭ 18-تارماعىنا سايكەس قولما-قول اقشاسىز اقشالاي قاراجاتتى, ونىڭ ىشىندە ەلەكتروندىق اقشا قاراجاتىن ونىڭ يەسىنىڭ شوتىنان ءوزiنiڭ نەمەسە بوتەن ادامنىڭ شوتىنا اۋدارۋ جولىمەن ۇرلاۋ قك-ءنىڭ 189-بابى بويىنشا كىنالى ادامنىڭ ءوز لاۋازىمى بويىنشا جابىرلەنۋشىنىڭ قولما-قول اقشا شوتىنداعى اقشاعا بيلىك ەتۋگە قۇقىعى بولعان جاعدايدا, كىنالى ادامعا ءوزىنىڭ قىزمەت بابىن پايدالانۋ ارقىلى جاسالعان بوتەننىڭ مۇلكىن ۇرلاۋ دەپ سارالانۋى ءتيىس», دەلىنگەن حابارلامادا.
مۇنداي قۇقىق بولماعان جاعدايدا ءىس-ارەكەت قك-ءنىڭ 188-بابى بويىنشا ۇرلىق نەمەسە قك-ءنىڭ 190-بابى بويىنشا الاياقتىق رەتىندە سارالانۋعا جاتادى.
ءىس ماتەريالدارىنان شيگابۋتدينوۆانىڭ قارجىلىق قۇجاتتارعا قول قويۋعا قۇقىعى بولماعانى جانە جشس قاراجاتىن ءوز اتىنان باسقارا المايتىنى شىعادى.
ول تەك جشس ديرەكتورىنا بەرىلگەن ەسق كىلتى ارقىلى قارجىلىق قۇجاتتارعا قول قويعان جانە وسىلايشا ونىڭ شوتتارىنا اقشا اۋدارعان, ياعني ۇرلاعان.
جوعارىدا ايتىلعانداردىڭ نەگىزىندە, شيگابۋتدينوۆانىڭ ارەكەتى قىلمىستىق كودەكستىڭ 190-بابىنىڭ 4-بولىگىنىڭ 2) تارماعىمەن قايتا سارالانىپ, 6 جىلعا باس بوستاندىعىنان ايىرۋ جازاسى تاعايىندالدى.