وسى جىلدىڭ 13-23 قاڭتار ارالىعىندا يتاليانىڭ تۋرين قالاسىندا XXXII دۇنيەجۇزىلىك قىسقى ۋنيۆەرسيادا وتەدى, دەپ جازادى Egemen.kz.
الەمدەگى ەڭ اۋقىمدى ستۋدەنتتىك سپورتتىق دودادا قازاقستاننىڭ مەملەكەتتىك تۋىن فريستايلشى اياۋلىم امرەنوۆا مەن حوككەيشى ابىلايحان سۇلەيمەنوۆ الىپ شىعادى.
اياۋلىم امرەنوۆا – فريستايل بويىنشا ۇلتتىق قۇرامانىڭ ۇزدىك سپورتشىلارىنىڭ ءبىرى. ونىڭ قورجىنىندا 2017 جىلعى ەۋروپا كۋبوگى كەزەڭدەرىنىڭ التىن, كۇمىس جانە قولا مەدالدارى بار. سونداي-اق ول قازاقستان اتىنان 2018 جىلى پحيونچحاندا جانە 2022 جىلى بەيجىڭدە وتكەن ەكى وليمپيادا ويىندارىنا قاتىسقان.
ابىلايحان سۇلەيمەنوۆ – وتاندىق حوككەيدىڭ جارقىن جۇلدىزى, «نوماد» كومانداسىنىڭ ويىنشىسى. ول جاستار ليگاسى, ءتورت ۇلتتىق تۋرنير, قازاقستان كۋبوگى, كونتينەنتال كۋبوگى, سونداي-اق, اقش-تا وتكەن ءحححى دۇنيەجۇزىلىك قىسقى ۋنيۆەرسياداعا قاتىسقان. سول ۋنيۆەرسيادادا قازاقستاننىڭ حوككەي قۇراماسى ءۇشىنشى ورىندى يەلەنگەن ەدى.