قىتايدىڭ سولتۇستىك-باتىسىنداعى تسينحاي پروۆينتسياسىندا 5,5 بالدىق جەر سىلكىنىسى بولدى, دەپ حابارلايدى Egemen.kz سينحۋا اگەنتتىگىنىڭ ءباسپاسوز قىزمەتىنە سىلتەمە جاساپ.
تسينحايدا جەر سىلكىنىسى 8 قاڭتاردا بەيجىڭ ۋاقىتىمەن 15:44-تە بولدى. جەراستى دۇمپۋلەرى تسينحاي پروۆينتسياسىنىڭ گۋولو-تيبەت اۆتونوميالىق پرەفەكتۋراسىنىڭ مادۋو وكرۋگىندە تىركەلگەن.
قىتايدىڭ سەيسمولوگيالىق جەلى ورتالىعىنىڭ مالىمەتىنشە, جەر سىلكىنىسىنىڭ وشاعى سولتۇستىك ەندىكتىڭ 34,79 گرادۋسى مەن شىعىس بويلىقتىڭ 97,51 گرادۋسىنىڭ كوورديناتاسىندا ورنالاسقان. گيپوتسەنتر 14 كم تەرەڭدىكتە جاتقان.
ەستەرىڭىزگە سالا كەتەيىك, 7 قاڭتاردا سيتسزان اۆتونوميالىق اۋدانى شيگادزە قالاسىندا بولعان جەر سىلكىنىسى سالدارىنان 126 ادام قازا تاۋىپ, 180-نەن استامى جاراقات العان.