سينوپتيكتەر الداعى ءۇش كۇنگە ارنالعان اۋا رايى بولجامىن ۇسىندى, دەپ حابارلايدى Egemen.kz.
«قازگيدرومەت» رمك حابارلاۋىنشا, سەيسەنبى, 7 قاڭتاردان باستاپ رەسپۋبليكانىڭ باسىم بولىگىندە اۋا-رايى ىلعالدىڭ ۇلكەن قورى بار وڭتۇستىك كاسپي تسيكلونىمەن قالىپتاسادى.
7 قاڭتاردا رەسپۋبليكانىڭ سولتۇستىك-باتىسىندا, سولتۇستىگىندە, شىعىسىندا جانە ورتالىعىندا – قار جاۋىپ, بوران سوعادى.وڭتۇستىك-باتىستا, وڭتۇستىك جانە وڭتۇستىك-شىعىس وبلىستاردا – جاۋىن-شاشىن (جاڭبىر, قار) جاۋادى. تۇركىستان وبلىسىنىڭ تاۋلى ايماقتارىندا قاتتى جاۋىن-شاشىن (جاڭبىر, قار) جاۋادى.
بولجام بويىنشا, 8 قاڭتارعا قاراعان ءتۇنى باتىس انتيتسيكلونىمەن اۋا تەمپەراتۋراسىن كۇرت تومەندەتەتىن سۋىق اۋا ماسسالارىنىڭ باسىپ كىرۋى كۇتىلەدى:
تۇندە رەسپۋبليكانىڭ سولتۇستىك جارتىسىندا -15-25°س ايازعا دەيىن, وڭتۇستىگىندە -5-15°س ايازعا دەيىن, الماتى جانە جەتىسۋ وبلىستارىنىڭ تاۋلى ايماقتارىندا -20-25°س ايازعا دەيىن تومەندەيدى. «الايدا, 9 قاڭتاردا كۇندىز اۋا تەمپەراتۋراسى قايتادان كوتەرىلەدى: رەسپۋبليكانىڭ سولتۇستىك جارتىسىندا 0-5°س ايازعا دەيىن, وڭتۇستىك جارتىسىندا 0+5°س دەيىن», دەلىنگەن «قازگيدرومەت» حابارلاماسىندا.سونداي-اق قازاقستاندا جەلدىڭ كۇشەيۋى, تۇمان جانە كوكتايعاق كۇتىلەدى.