سەمەيدەگى قايعىلى وقيعاعا قاتىستى جاڭا دەرەكتەر انىقتالدى. كولىك ەرتىس وزەنىندەگى جاردان قۇلاپ, سۋعا باتىپ كەتكەن ەدى, دەپ حابارلايدى Egemen.kz.
باستاپقىدا پوليتسيا وقيعا سەبەبى جارىس بولۋى مۇمكىن دەگەن بولجام ايتقان. الايدا كولىكتەن شىعىپ ۇلگەرىپ, جالعىز امان قالعان ادامنان جاۋاپ الىنعاننان كەيىن, قايعىلى جاعدايعا تەجەۋىش پەن گاز پەدالدارىن شاتاستىرۋ سەبەپ بولعانى انىقتالدى.
«پوليتسيا مالىمەتىنشە, وقيعاعا كولىك قۇرالىن باسقارۋ ەرەجەسىنىڭ بۇزىلۋى سەبەپ بولعان. قايعىلى جاعداي تەجەۋىش پەن گاز پەدالدارىن شاتاستىرۋدان تۋىنداعان», دەپ حابارلادى اباي وبلىسىنىڭ پوليتسيا دەپارتامەنتى.
ايتا كەتەيىك, كولىكتىڭ ىشىندە ءتورت ادام بولعان. ءبىر جىگىت پەن قىز كولىكتەن شىعىپ ۇلگەرگەن, الايدا قىزدى وزەن اعىسى الىپ كەتكەن. كەيىنىرەك ونىڭ دەنەسى وقيعا ورنىنان شامامەن 11 شاقىرىم جەردە, ءبىرىنشى ىقشام اۋدان ماڭىنان تابىلعان. جۇرگىزۋشى مەن تاعى ءبىر جولاۋشى ءالى تابىلعان جوق, ىزدەستىرۋ جۇمىستارى جالعاسىپ جاتىر.