ماڭعىستاۋ وبلىستىق توتەنشە جاعدايلار دەپارتامەنتىنىڭ 10 قۇتقارۋشىسىنا اقتاۋ قالاسىنداعى ۇشاق اپاتىنىڭ سالدارىن جويۋ كەزىندە كورسەتكەن كاسىبيلىگى, باتىلدىعى مەن جانقيارلىعى ۇشىن مەملەكەتتىك ناگرادالار تابىس ەتىلدى, دەپ جازادى Egemen.kz.
پرەزيدەنت قاسىم-جومارت توقاەۆتىڭ جارلىعىنا سايكەس ماڭعىستاۋ وبلىسىنىڭ اكىمى نۇرداۋلەت قيلىباي وپەراتسياعا قاتىسۋشىلارعا ناگرادالاردى تابىس ەتتى. ماسەلەن ءورت ءسوندىرۋ قىزمەتىنىڭ جانە مامانداندىرىلعان ءورت ءسوندىرۋ ءبولىمىنىڭ ءۇش وكىلى:
بايتورە ولجاس سەرىكباي ۇلى — № 12 ءورت ءسوندىرۋ ءبولىمىنىڭ ءورت ءسوندىرۋشىسى-قۇتقارۋشىسى,
وڭعار سەرىبولات ايتمۇحانبەت ۇلى — № 12 ءورت ءسوندىرۋ ءبولىمىنىڭ بولىمشە كومانديرى,
ساركەنوۆ مارلەن بەگەندىك ۇلى — № 1 مامانداندىرىلعان ءورت ءسوندىرۋ ءبولىمىنىڭ اعا ءورت ءسوندىرۋشى-قۇتقارۋشىسى راحىمجان قوشقارباەۆ اتىنداعى III دارەجەلى «ايبىن» وردەنىمەن ماراپاتتالدى.
اللابەرگەنوۆ قوجابەك ساپار ۇلى — «اپاتتار مەديتسيناسى ورتالىعى» مم ماڭعىستاۋ وبلىسى بويىنشا فيليالىنىڭ كولىك جۇرگىزۋشىسى-سانيتارى,
باعىتوۆ ماناس ماشرىق ۇلى — جەدەل قۇتقارۋ جاساعىنىڭ قۇتقارۋشىسى,
ەستەمەس الىشەر نۇرجان ۇلى — «قازاۆياقۇتقارۋ» اق اۋە كەمەسىنىڭ ەكىنشى پيلوتى,
قۇداباەۆ اسحات قۇدايبەرگەن ۇلى – «قازاۆياقۇتقارۋ» اق اۋە كەمەسىنىڭ كومانديرى,
قۇبايدۋللاەۆ زامانبەك مۇرات ۇلى — اپاتتار مەديتسيناسى ورتالىعى فيليالىنىڭ فەلدشەرى,
ورازبەكوۆ وسپان جالعاسىن ۇلى — اپاتتار مەديتسيناسى ورتالىعى فيليالىنىڭ دارىگەرى «ەرلىگى ۇشىن» مەدالىمەن ماراپاتتالدى.
اپاتتار مەديتسيناسى ورتالىعى فيليالىنىڭ پسيحولوگى ەسەن جان بايكەنقىزى «ەرەن ەڭبەگى ءۇشىن مەدالىمەن ماراپاتتالدى.
سونىمەن قاتار ءورت ءسوندىرۋ بولىمدەرى مەن مەديتسينالىق مەكەمەلەردىڭ قىزمەتكەرلەرى قازاقستان رەسپۋبليكاسى پرەزيدەنتىنىڭ العىس حاتتارىن الدى.