توتەنشە جاعدايلار مينيسترلىگىنە قاراستى توتەنشە جاعدايلاردى جويۋ دەپارتامەنتىنىڭ باس مامانى ماگومەد احريەۆ اقمولا وبلىسىنداعى تاس جولدا 95 كولىك زاقىمدانعان ءىرى اپاتقا قاتىستى تۇسىنىكتەمە بەردى, دەپ حابارلايدى Egemen.kz.
«بۇل وقيعا تۋرالى ايتساق, ءبىزدىڭ مالىمەتىمىز بويىنشا اپاتقا كولىك تىزبەگىنە ىلەسكەندەردىڭ جىلدامدىق رەجيمىن ساقتاماۋى سەبەپ بولعانىن عانا ايتا الامىن. ءبىزدىڭ جول-كولىك وقيعاسىنىڭ سەبەبىن انىقتايتىن وكىلەتىمىز جوق. ىشكى ىستەر ورگاندارى تەرگەۋ جۇرگىزىپ, اپات سەبەپتەرىن انىقتاپ جاتىر», دەدى تجم وكىلى.
ەستەرىڭىزگە سالا كەتەيىك, 3 قاڭتاردا اقمولا وبلىسىنداعى استانا-ششۋچە تاس جولىندا 95 كولىك ءىرى جول اپاتىنا ۇشىراعان. وقيعا سالدارىنان 20 ادام زارداپ شەككەن.