سەمەيدە كولىك وزەنگە قۇلاپ كەتكەن: ءبىر ءمايىت تابىلدى

«ساعات 09:00-دە ىزدەۋ توبى قايتىس بولعان ادامنىڭ دەنەسىن تاۋىپ, سۋدان الىپ شىقتى. ول ودان ءارى تەرگەۋ ارەكەتتەرىن جۇرگىزۋ ءۇشىن پوليتسيا ورگاندارىنا بەرىلدى. قازىرگى ۋاقىتتا قۇتقارۋ وپەراتسياسىنا: 55 قۇتقارۋشى, 5 ءجۇزۋ قۇرالى, 2 ۇشقىشسىز ۇشۋ اپپاراتى, سۋ استى ىزدەۋگە ارنالعان ەحولوت, 10 تەحنيكا جۇمىلدىرىلعان», دەلىنگەن حابارلامادا.

ايتا كەتەيىك, وپەراتسيانى كۇشەيتۋ ءۇشىن قوسىمشا قاسىم قايسەنوۆ اتىنداعى 68303 اسكەري ءبولىمنىڭ قىزمەتشىلەرى تارتىلعان. سونداي-اق شىعىس قازاقستان وبلىسىنان دا قۇتقارۋ بولىمشەلەرى قوسىلادى دەپ كۇتىلەدى.

ەستەرىڭىزگە سالا كەتەيىك, بۇگىن تاڭعى ساعات 06:00-دە ەرتىس وزەنىنىڭ جانىنداعى بەيبىتشىلىك ارالىندا جەڭىل اۆتوكولىك بەتون قورشاۋعا سوعىلىپ, وزەنگە قۇلاپ كەتكەن. اپات كەزىندە كولىكتە 4 ادام بولعان. جولاۋشىلاردىڭ ءبىرى كولىكتەن وزدىگىنەن شىعىپ, جاعاعا ءجۇزىپ شىققان.