پاۆلودار وبلىسىندا جالعان اقپارات تاراتقان ءجاسوسپىرىمنىڭ اتا-اناسى جاۋاپقا تارتىلدى, دەپ جازادى Egemen.kz.
«102» ارناسىنا حابارلاسقان قىز بىرنەشە مينۋت بۇرىن 13 جاسار باۋىرى قوڭىراۋ شالىپ, «بەلگىسىز ادامدار ونى قارا دجيپپەن الىپ كەتىپ, ۇرىپ-سوعىپ جاتىر» دەپ ايتقان.
كەيىننەن تەلەفون سوندىرىلگەن. اقپاراتتىڭ انىق-قانىعىن انىقتاۋ ءۇشىن پوليتسەيلەر اتامەكەن كەنتىنە بارعان. وندا تۋىستارى قىزدىڭ جاتتىعۋدا بولۋ كەرەك ەكەنىن ايتقان.
ارادا ءبىراز ۋاقىت وتكەندە, جالعان اقپارات بەرگەن ءجاسوسپىرىم ۇيىنە ورالعان. ول ءىشى پىسقاننان وسىنداي قادامعا بارعانىن مويىنداعان.
«ارناۋلى قىزمەتتەردى كورىنەۋ جالعان شاقىرۋ فاكتىسى بويىنشا ءجاسوسپىرىمنىڭ اتا-اناسى اكىمشىلىك جاۋاپكەرشىلىككە تارتىلدى. ەندى ءجاسوسپىرىمنىڭ اتا-اناسىنا 30 اەك كولەمىندە ايىپپۇل تولەۋگە تۋرا كەلەدى. بۇل پرانك بولعانى جاقسى. بىراق كامەلەتكە تولماعاندار كەيدە مۇنداي ازىلدەر تەك كۇلكى عانا ەمەس, سونىمەن بىرگە ناعىز الاڭداۋشىلىق تۋدىرۋى مۇمكىن ەكەنىن ەستە ۇستاۋى كەرەك», دەلىنگەن پاۆلودار وبلىسىنىڭ پوليتسيا دەپارتامەنتى تاراتقان حابارلامادا.