بۇگىن تاڭعى ساعات 4-تە الماتىنىڭ جەتىسۋ اۋدانىندا جول-كولىك وقيعاسى بولدى. سالدارىنان كولىك جۇرگىزۋشىسى كوز جۇمدى, دەپ حابارلايدى Egemen.kz.
«Daewoo اۆتوكولىگىنىڭ جۇرگىزۋشىسى كۋدەرينا كوشەسىمەن سولتۇستىك باعىتتا كەلە جاتىپ, ءرۋلدى باسقارا الماي, جولدىڭ شىعىس جاعىنا شىعىپ كەتىپ, كەدەرگىگە – كوشە جارىقتاندىرۋ باعاناسىنىڭ بەتون تىرەگىنە سوعىلدى. اپات سالدارىنان جۇرگىزۋشى العان جاراقاتتارىنان وقيعا ورنىندا كوز جۇمدى», دەپ حابارلادى قالالىق پوليتسيا دەپارتامەنتىنىڭ ءباسپاسوز قىزمەتى.
ادام ولىمىنە اكەپ سوقتىرعان جول-كولىك وقيعاسى بويىنشا سوتقا دەيىنگى تەرگەۋ باستالعانى حابارلاندى.