«قازگيدرومەت» رمك 2025 جىلعى 1 قاڭتاردا بولاتىن قاۋىپتى مەتەورولوگيالىق قۇبىلىستارعا بولجاۋ كونسۋلتاتسياسىن جاريالادى, دەپ حابارلايدى Egemen.kz.
قازاقستان اۋماعىنىڭ باسىم بولىگىنىڭ اۋا رايىنا سكانديناۆيا تۇبەگىنىڭ اۋداندارىنان تسيكلون اسەر ەتەدى, وعان بايلانىستى اۋا رايىنىڭ تۇراقسىز سيپاتى كۇتىلەدى, ەلدىڭ سولتۇستىگىندە, سولتۇستىك-باتىسىندا, ورتالىعىندا, شىعىسىندا بۇرقاسىن جانە ەكپىندى جەلمەن قار جاۋادى, ەلدىڭ باتىسىندا, وڭتۇستىگىندە, وڭتۇستىك-شىعىسىندا جاڭبىر مەن قار تۇرىندە جاۋىن-شاشىن بولادى. رەسپۋبليكا بويىنشا تۇمان, كوكتايعاق, جەل كۇشەيۋى كۇتىلەدى.
كۇندىز شىعىسىندا, قوستاناي وبلىسىنىڭ وڭتۇستىگىندە, باتىسىندا, سولتۇستىك قازاقستان وبلىسىنىڭ وڭتۇستىگىندە, اقمولا وبلىسىنىڭ باتىسىندا, سولتۇستىگىندە 30 م/س جانە ودان دا كوپ قاتتى جەل سوعادى.