قازاقستان رەسپۋبليكاسى ىشكى ىستەر مينيسترلىگىنىڭ كوشى-قون قىزمەتى كوميتەتى 2024 جىلدىڭ باسىنان بەرى قازاقستاندا قانشا شەتەلدىك جەكە سايكەستەندىرۋ ءنومىرىن (جسن) العانى تۋرالى مالىمەتتەر بەردى, دەپ حابارلايدى Egemen.kz.
كوميتەت بۇل دەرەكتەردى «اق جول» پارتياسىنىڭ دەپۋتاتتىق ساۋالىنا جاۋاپ رەتىندە ۇسىندى.
«2024 جىلى شەتەل ازاماتتارىنا 435 408 جسن بەرىلدى (ونىڭ ىشىندە: رەسەي – 233 013, وزبەكستان – 121 719, قىتاي – 25 654, تاجىكستان – 13 846, قىرعىزستان – 9308). 2023 جىلى 376 966 جسن بەرىلگەن (ونىڭ ىشىندە: رەسەي – 181 271, وزبەكستان – 114 153, قىتاي – 15 795, قىرعىزستان – 14 322, تاجىكستان – 14 175)», دەلىنگەن قر ءىىم كوميتەتىنىڭ جاۋابىندا.
جسن قازاقستان اۋماعىنا كىرۋگە جانە وندا بولۋعا قۇقىق بەرمەيتىندىكتەن, جسن العان شەتەلدىكتەردىڭ ەلگە كەلگەن نەمەسە كەتكەنى تۋرالى ستاتيستيكا جۇرگىزىلمەيدى, سوندىقتان بۇل سۇراق بويىنشا اقپارات بەرۋ مۇمكىن ەمەس», دەلىنگەن قر ءىىم كوميتەتىنىڭ جاۋابىندا.