مەملەكەت باسشىسى قاسىم-جومارت توقاەۆ ازەربايجان پرەزيدەنتى يلحام اليەۆپەن تەلەفون ارقىلى سويلەستى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
پرەزيدەنتتەر قايعىلى وقيعاعا بايلانىستى ءبىر-بىرىنە كوڭىل ايتىپ, ماڭعىستاۋ وبلىسىندا اپاتقا ۇشىراعان Azerbaijan Airlines ۇشاعىندا قازا تاپقان ازاماتتاردىڭ وتباسىلارى مەن جاقىندارىنا سابىر تىلەدى.قاسىم-جومارت توقاەۆ وقيعانى تەرگەۋ جونىندەگى ارنايى مەملەكەتتىك كوميسسيا جۇمىسى تۋرالى مالىمەت بەرىپ, قازاقستان تاراپى ۇشاق اپاتىن جان-جاقتى جانە وبەكتيۆتى تۇردە زەرتتەۋگە بار كۇش-جىگەرىن سالاتىنىن جەتكىزدى.يلحام اليەۆ ىزدەستىرۋ-قۇتقارۋ جۇمىستارىن جۇرگىزۋ جانە زارداپ شەككەندەرگە كومەك كورسەتۋ بويىنشا شۇعىل ارەكەت ەتكەنى ءۇشىن قازاقستان ۇكىمەتىنە العىس ايتتى.تاراپتار قايعىلى وقيعانىڭ ءمان-جايى تولىقتاي انىقتالعانشا ەكى ەل ۇكىمەتتەرىنىڭ قۇرىلىمدارى تىعىز بايلانىستا بولادى دەپ ۋاعدالاستى.