اقتاۋ تۇرعىنى الماز بەكجانوۆ ازەربايجان اۋە كومپانياسىنىڭ ۇشاعى اپاتىنان زارداپ شەككەندەر ءۇشىن قان تاپسىرۋ كەزەگىندە ءتىزىلىپ تۇرعان قالا تۇرعىندارىنىڭ ۆيدەوسىن جاريالادى, دەپ حابارلايدى Egemen.kz.
«بۇگىن تاڭەرتەڭ (26 جەلتوقسان) ەرتە, جۇمىسقا دەيىن قان تاپسىرۋعا باردىم. بىراق ورتالىققا كەلگەندە, قازىردىڭ وزىندە 40 ادام تۇرعانىن كوردىم جانە بۇل كەزەك ۇنەمى ءوسىپ وتىردى. اقىرىندا مەن كەڭسەگە تاڭعى ساعات 10-دا كەلدىم», دەيدى قالا تۇرعىنى الماز بەكجانوۆ.
ەستەرىڭىزگە سالا كەتەيىك, 25 جەلتوقسان كۇنى جەرگىلىكتى ۋاقىت بويىنشا ساعات 11:30-دا باكۋدەن (ازەربايجان) گروزنىيعا (رەسەي) ۇشقان ازەربايجان اۋە جولدارىنىڭ ۇشاعى اقتاۋدان ءۇش شاقىرىم جەردە اپاتقا ۇشىرادى. جولاۋشىلار ۇشاعى قالىڭ تۇمان سالدارىنان گروزنىيعا قونا الماي, اۋەلى ماحاچكالاعا, كەيىن اقتاۋعا باعىت العان ەدى.