شەمونايحا اۋدانىنىڭ پروكۋراتۋراسى الەۋمەتتىك جەلىلەردە مونيتورينگ جۇرگىزۋ بارىسىندا بالالار ءۇيىنىڭ تۇلەگى ا.ۆ.و. قۇقىقتارىنىڭ بۇزىلعانىن انىقتادى, دەپ حابارلايدى Egemen.kz باس پروكۋراتۋرانىڭ ءباسپاسوز قىزمەتىنە سىلتەمە جاساپ.
انىقتالعانداي, ول بالالار ۇيىندە بولعان كەزەڭدە شەمونايحا قالاسىندا ورنالاسقان تۇرعىن ءۇي مەن جەر ۋچاسكەسى اۋدان اكىمدىگى تاراپىنان زاڭسىز ءۇشىنشى تۇلعالارعا بەرىلگەن.
«اۋداندىق پروكۋراتۋرا قىزمەتكەرلەرى تاربيەلەنۋشىگە سوتقا تالاپ ارىزىن دايىنداۋ مەن ونى بەرۋ بارىسىندا قۇقىقتىق كومەك كورسەتتى. 2024 جىلدىڭ مامىر ايىندا شىعىس قازاقستان وبلىسىنىڭ اكىمشىلىك ىستەر جونىندەگى مامانداندىرىلعان اۋدانارالىق سوتىنىڭ شەشىمىمەن ا.ۆ.و. تالاپ-ارىزى قاناعاتتاندىرىلىپ, داۋلاسقان نىسانعا قاتىستى قۇقىق بەلگىلەيتىن قۇجاتتار جارامسىز دەپ تانىلدى», دەلىنگەن حابارلامادا.
قابىلدانعان شارالار ادىلدىكتى قالپىنا كەلتىرۋگە جانە بالالار ءۇيىنىڭ تاربيەلەنۋشىسىنىڭ قۇقىقتارىن قورعاۋعا مۇمكىندىك بەردى.