عالام عاجاپتارى: جانارمايدىڭ جاڭا ءتۇرى

زەرتتەۋشىلەر بۇل ەكولوگيالىق جا­نارمايدى حيميالىق جولمەن قايتا وڭ­دەپ, جاساپ شىعارعان. جاڭالىقتىڭ ارتىقشىلىعى ءداستۇرلى رەاكتيۆتى وتىن­عا قاراعاندا, اۋاعا كومىرقىشقىل گازى 80%-عا از شىعادى. مامانداردىڭ ايتۋىنشا, ونى قولدانۋ ءۇشىن ۇشاقتى دا, ونىڭ قوزعالتقىشىن دا جاڭعىرتۋدىڭ قاجەتى جوق. ءتىپتى مۇنايدان وندىرىلگەن وتىنمەن ارالاستىرۋعا بولادى. ال­عاشقى سىناق ءساتتى ءوتىپ, قازىر 12 اۋە رەي­سى وسى جانارمايدى قولدانىپ ءجۇر. بىر­اق قۇنى ازىرگە رەاكتيۆتى وتىننان 5 ەسە قىم­بات.

ەڭ كونە لوتەرەيا

يسپانيادا ايگىلى «ەل گوردو» اتتى روجدەستۆولىق لوتەرەيا ۇتىسى ءوتتى. بيىل جۇلدە قورى 2 ملرد 700 ملن ەۋرو. ال ساتىلعان بيلەت سانى 193 ميلليون.

بۇل لوتەرەيا 1812 جىلدان بەرى وتكىزىلىپ كەلەدى. سوندىقتان اتالعان ۇتىس ويىنى يسپان حالقى ءۇشىن داستۇرگە اينالعان مەرەكە ىسپەتتى. وسى كەزدە ەلگە تۋريستەر اعىلىپ, مەملەكەت ەكونوميكاسى دا قارجىعا قارىق بولاتىن كورىنەدى.

جۇلدە سوماسى – 20-دان 400 مىڭ ەۋروعا دەيىن. 40 مىڭ ەۋرودان اساتىن ۇتىسقا 20% سالىق سالىنادى.

تيك-توكقا تىيىم

البانيا بيلىگى تيك-توك جەلىسىن قول­دانۋعا تىيىم سالدى. ءتيىستى شەشىم كەلەر جىلدىڭ باسىندا كۇشىنە ەنە­دى.

وتكەن ايدا مەكتەپتەگى تارتىپسىزدىكتەن كەيىن بۇل ماسەلە قىزۋ تالقىلاندى. ەستە­رىڭىزگە سالا كەتەيىك, تيك-توك ارقىلى وقۋشىلار جانجالداسىپ, ونىڭ ارتى مەكتەپتەگى توبەلەسكە ۇلاسقان ەدى. سونىڭ سالدارىنان 14 جاستاعى جەتكىنشەك كوز جۇمعان. وسىدان كەيىن جەرگىلىكتى بيلىك تيك-توك قوسىمشاسىن پايدالانۋعا تىيىم سالاتىن زاڭ جوباسىن قابىلدادى.