قاراساي اۋدانىندا حالىقتىڭ الەۋمەتتىك جاعىنان وسال توپتارىنا ارنالعان باسپانانىڭ كىلتتەرى سالتاناتتى تۇردە تابىس ەتىلدى. اۋدان اكىمىنىڭ ورىنباسارى رۋستام اتشاباروۆ جاڭا قونىس يەلەرىن ارنايى قۇتتىقتادى.
«جىل باسىنان بەرى اۋداندا 48 وتباسى جاڭا باسپاناعا قول جەتكىزگەن ەدى, ەندى مىنە, تاعى 16 وتباسى باسپانالى بولدى. بۇل – مەملەكەت تاراپىنان كورسەتىلىپ جاتقان قامقورلىقتىڭ, الەۋمەتتىك قولداۋدىڭ جارقىن ۇلگىسى», – دەدى ر.اتشاباروۆ.
پاتەر كىلتىن العان كوپبالالى انا اينۇر سماعۇلوۆا: «مەن 10 جىل بويى تۇرعىن ءۇي كەزەگىندە تۇردىم. 5 بالا ءوسىرىپ وتىرمىن. تاۋەلسىزدىك مەرەكەسى الدىندا ارمانىمىز ورىندالدى. بالالارىم ەندىگى جەردە ءوز شاڭىراعىندا الاڭسىز ءومىر ءسۇرىپ, جاقسى ءبىلىم الاتىن بولدى. ءبىزدىڭ ءۇي الۋىمىزعا مۇمكىندىك جاساعان ەل ازاماتتارىنا ريزاشىلىعىمدى بىلدىرەمىز», – دەپ جۇرەكجاردى العىسىن جەتكىزدى.
قاراساي اۋدانىندا ەل يگىلىگىنە باعىتتالعان مۇنداي ءىس-شارالار الداعى ۋاقتىتتا دا جالعاسىن تابا بەرمەك.