قوستاناي وبلىسىنىڭ اكىمى قۇمار اقساقالوۆ جىتىقاراداعى بەس بالانىڭ ولىمىنە سەبەپ بولعان ءورت تۋرالى تىڭ دەرەك ايتتى, دەپ حابارلايدى Egemen.kz.
قۇمار اقساقالوۆتىڭ ايتۋىنشا, بالالار ۇيدە قاراۋسىز قالىپ, ءۇيدىڭ ۇلكەن بالاسى پەش جاقپاق بولعان. سول كەزدە ول اعاشپەن بىرگە پەشكە بوتەلكە سالىپ جىبەرگەن.
«بالالار سول كۇنى ۇيدە جالعىز قالعان. امان قالعان ءۇيدىڭ ۇلكەن بالاسى تاڭعى 04:00 شاماسىندا ويانىپ, پەش جاقپاق بولعان كورىنەدى. سول كەزدە اعاشپەن بىرگە بوتەلكەگە ۇقساس نارسە سالىپ جىبەرگەن. سالدارىنان جارىلىس بولعان», دەدى اكىم.
سونىمەن قاتار وبلىس اكىمى قايعىلى جاعدايدان كەيىن بىردەن بالالاردىڭ اناسىمەن كەزدەسكەنىن جانە بىرنەشە كۇن ىشىندە وتباسىنا ەكى بولمەلى پاتەر ساتىپ الىنعانىن ايتى.
ەستەرىڭىزگە سالا كەتەيىك, قوستاناي وبلىسىنىڭ جىتىقارا قالاسىندا ءورت بولدى. ءورت ءۇيدى تۇگەل شارپىعاندىقتان, عيماراتتىڭ شاتىرى وپىرىلىپ تۇسكەن. سول كەزدە ىشىندە ۇلكەندەردىڭ قاراۋىنسىز قالعان 2 جاستان 13 جاسقا دەيىنگى التى بالا بولعان. ءورت سالدارىنان بەس بالا كوز جۇمعان.