برازيليانىڭ گرامادو قالاسىندا شاعىن ۇشاق اپاتقا ۇشىراپ, سالدارىنان بورتتاعى 10 ادامنىڭ بارلىعى قازا تاۋىپ, تاعى وننان استام ادام دەنە جاراقاتتارىن العان, دەپ حابارلايدى Egemen.kz CNN ارناسىنا سىلتەمە جاساپ.
ۇلتتىق ازاماتتىق قورعانىستىڭ حابارلاۋىنشا, اپات ۇشاق اۋەگە كوتەرىلگەننەن كەيىن بىرنەشە مينۋت وتكەن سوڭ بولعان. ۇشاق الدىمەن عيماراتتىڭ مۇرجاسىنا, كەيىن ۇيگە, سوڭىندا جيھاز دۇكەنىنە سوقتىعىسقان.
ريو-گراندي-دۋ-سۋل شتاتىنىڭ ازاماتتىق قورعانىسىنىڭ مالىمەتىنشە, كەم دەگەندە 17 ادام زارداپ شەككەن. ولاردىڭ كوپشىلىگى ءتۇتىندى جۇتىپ, اۋرۋحاناعا جاتقىزىلعان.
ريو-گراندە-دۋ-سۋل گۋبەرناتورى ەدۋاردو لەيتە ۇشاق بورتىنداعى 10 ادامنىڭ بارلىعى قازا تاپقانىن مالىمدەگەن. مەملەكەتتىك ازاماتتىق قورعانىستىڭ حابارلاۋىنشا, قازا تاپقانداردىڭ بارلىعى ءبىر وتباسىنىڭ مۇشەلەرى بولعان.
جەرگىلىكتى بيلىك قايعىلى وقيعانىڭ سەبەپتەرىن انىقتاپ جاتىر.