قىرعىزستان پرەزيدەنتى سادىر جاپاروۆ 16 جەلتوقسانعا دەيىن مينيسترلەر كابينەتىنىڭ توراعاسى قىزمەتىن اتقارعان اقىلبەك جاپاروۆتىڭ وتستاۆكاعا كەتۋىنە قاتىستى پىكىر ءبىلدىردى, دەپ حابارلايدى Egemen.kz.
قىرعىزستان پرەزيدەنتى اقىلبەك جاپاروۆتىڭ مينيسترلەر كابينەتىنىڭ جەتىستىكتەرىنە قوسقان زور ۇلەسىن اتاپ ءوتىپ, ونىڭ كەتۋىن ساياسيلاندىرماۋدى وتىنگەن.
«بۇگىندە سالىق جۇيەسىندە كەلەڭسىز كورىنىس بار, بىراق ول بيۋدجەتتى تولىقتىرادى. بەلگىلى بولعانداي, اكتسيزدىك ماركالار بويىنشا بارلىق الاياقتىق فاكتىلەرى بويىنشا تەرگەۋ ءجۇرىپ جاتىر. سالىق سالاسى تىكەلەي اقىلبەك جاپاروۆتىڭ باقىلاۋىندا بولدى. بۇل زاڭسىز ارەكەتتەردى ەرتەرەك توقتاتۋعا بولاتىن ەدى. جەكە مۇددەلەردى قۋدالاماۋ ءۇشىن مەن ونى قىزمەتىنەن بوساتۋعا ءماجبۇر بولدىم», دەدى قىرعىزستان پرەزيدەنتى.
ەستەرىڭىزگە سالا كەتەيىك, 16 جەلتوقساندا قىرعىزستان مينيسترلەر كابينەتىنىڭ توراعاسى اقىلبەك جاپاروۆ وتستاۆكاعا كەتكەن ەدى. 18 جەلتوقساندا قىرعىز رەسپۋبليكاسى پرەزيدەنتىنىڭ جارلىعىمەن ادىلبەك قاسىماليەۆ مينيسترلەر كابينەتىنىڭ جاڭا توراعاسى – پرەزيدەنت اكىمشىلىگىنىڭ باسشىسى بولىپ تاعايىندالدى.