ايدا بالاەۆا ماڭىزدى ۇندەۋ جاسادى

«قۇرمەتتى دوستار! كەيىنگى ۋاقىتتا بەلگىسىز بىرەۋلەر مەنىڭ اتىمنان تانىس جانە بەيتانىس ادامدارعا جاساندى ينتەللەكت كومەگىمەن داۋىستىق حابارلامالار جىبەرۋ جاعدايلارى جيىلەپ كەتتى. سىزدەردەن وسىنداي حابارلامالاردى ەلەمەۋدى, بەيتانىس نومىرلەردى بۇعاتتاۋدى سۇرايمىن. بۇل – الاياقتاردىڭ ارەكەتى. الدانىپ قالماڭىزدار. وزدەرىڭىزدى جانە جاقىندارىڭىزدى ساقتاڭىزدار!», دەلىنگەن حابارلامادا.

مينيستر بارشاڭىزدى ساق بولۋعا جانە الاياقتاردىڭ ايلا-امالدارىنا تۇسپەۋگە شاقىرادى.